Vivo Ne China Mein Launch Kiye Pop-Up Selfie Camera Ke Saath Vivo X27 Aur X27 Pro

Vivo ne aaj China mein apne 2 naye smartphones ko pop-up camera ke saath announce kar diya hai. Yeh dono phone Vivo X27 aur X27 Pro hain. Iske alawa dono hi phones mein triple rear cameras bhi inn phones ki highlight hai.

Vivo X27 Specifications

Vivo launched 2 smartphones with 48MP triple rear camera set up

Vivo X27 mein 6.39 inch ki FHD display di gayi hai. Iska screen aspect ratio 19.5:9 hai. Yeh phone Hexa core Qualcomm Snapdragon 710 aur Snapdragon 675 chipset ke saath aata hai. Yeh phone 2 storage variants mein launch kiya gaya hai. Ismein 8GB RAM ke saath 128GB aur 256GB internal storage ka option milta hai. Phone ke 128GB model mein Snapdragon 675 aur 256GB model mein Snapdragon 710 ka use kiya gaya hai. Yeh phone 4000mAh ki battery ke saath aata hai jahaan iss phone ka 8GB/256Gb model mein flash charging technology ka use kiya gaya hai.

Vivo X27 mein aapko triple rear cameras setup mein Sony IMX586 sensor ke saath 48MP ka primary camera, 13MP ka wide angle camera aur 5MP ka depth sensing camera milta hai. Front mein 16MP ka pop-up selfie camera diya gaya hai.

 

Vivo X27 Pro Specifications 

Vivo launched 2 smartphones with 48MP triple rear camera set up

Vivo X27 Pro mein 6.7 inch ki display di gayi hai jiska screen aspect ratio 20.5:9 hai. Iss phone mein bhi same rear camera setup diya gaya hai jo ki aapko Vivo X27 mein milta hai. Iss phone mein sirf front camera mein difference kiya gaya hai jo 32MP pop-up mechanism ke saath aata hai. Yeh phone Octa core Snapdragon 710 Soc ke saath launch kiya gaya hai.

 

Iss phones ke 256GB variant mein flash charging ka support milta hai. Iske alawa same variant mein vapour chamber diya gaya hai jo ki chipset ko cool rakhne mein help karta hai. Inn devices mein aapko in-display finger print scanner ka support bhi milta hai. Company ne inn devices mein Funtouch OS 9 based Android 9.0 Pie diya hai. Connectivity ke liye ismein 4G LTE, Wi-Fi, Bluetooth, GPS ka support mil jaata hai.

 

China mein Vivo X27 ke 8GB/128GB variant ko CNY 3,198 ( Rs 32,900 approx.) aur 8GB/256GB variant ki CNY 3,598 (Rs 37,000 approx.) ki price par launch kiya gaya hai. Wahin Vivo X27 Pro ke 8GB/256Gb variant ko CNY 3,998 (Rs 41,100 approx.) ki price par announce kiya gaya hai. Vivo X27 ki sale 23rd March se shuru ho jaaegi lekin Vivo X27 Pro ki sale ko April se shuru kiya jaaega jiski date abhi company ne confirm nahi ki hai. Abhi inn dono devices ke India launch ke baare mein company ne koi update nahi di hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: