Vivo Ne China Mein Launch Kiya Vivo Z1 Lite, Jaaniye Price Aur Specification Ke Baare Mein

Vivo ne China mein aaj apna Z series smartphone launch kar diya hai, Vivo Z1 Lite. Vivo Z1 Lite ko Vivo Z1 ka hi ek budget range version bataya jaa raha hai. Specifications area mein bhi Vivo Z1 Lite ko Vivo Z1 se thoda kam rakha gaya hai, wahin iski price bhi kaafi kam hai. 

Specification ki baat karein to yeh phone attractive gradient colors mein launch kiya gaya hai, jaha aapko Red, Black aur Aurora Purple gradient color option mil jaate hain. Phone ki display mein aapko wide notch dekhne ko milti hai. Screen size ki baat karein to phone mein 6.26 Inch ki FHD+ display di gayi hai jiska aspect ratio 19:9 hai. Notch ke saath saath aako phone mein 5D curved glass display milti hai.

Vivo Z1 Lite mein 2.2GHz ka Octa -Core Snapdragon 626 processor diya gaya hai, jo Adreno ke 506 GPU ke saath pair kiya gaya hai. Storage variant mein yaha aapko single storage option milta hai jo ki 4GB RAM aur 32GB internal storage ke saath aata hai, jise aap microSD card slot ki help se 256GB tak expand kar sakte hain.

Phone mein aapko Funtouch OS 4.0 based Android 8.1 Oreo milta hai. Phone dual nano sim support karta hai. Vivo Z1 Lite mein 3260mAh ki battery di gayi hai. Phone ke rear panel par aapko finger print sensor ka option milta hai.

16MP ke primary front camera aur 2MP ke secondary camera ke saath aapko iss phone mein dual rear camera option milta hai jaha LED flash ka support bhi diya gaya hai. Wahi front facing camera bhi 16MP ka diya gaya hai. Camera mein aapko face beauty, AR shoot, backlight photo, slow motion, blur photo jese kuch bhadiya option bhi mil jaate hain.

Connectivity ke liye phone mein 4G VOLTE, Wi-Fi, Bluetooth, GPS ka option mil jata hai. Basic sensors ke forms mein aapko iss phone mein accelerometer, facial recognition, ambient light sensor jese kuch basic features mil jaate hai. Price ki baat karein to China mein yeh phone CNY 1,098 (Approx. Rs 11,400) keemat par launch kiya gaya hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: