Vivo Ne Apna First Punch-Hole Selfie Camera Phone, Vivo Z5x Announce Kiya

Vivo ne aaj apna first punch-hole selfie smartphone announce kar diya hai, jise naam diya gaya hai – Vivo Z5x. Is smartphone ko Phantom Black, Midnight Black aur Aurora Blue colors mein launch kiya gaya hai. Achhi baat ye hai ki ye ek affordable price par available hoga, halaanki iska India launch abhi confirm nahin hai.

Badhte hain specs ki taraf. Vivo Z5x ki highlight hai, ismein aane waali 5000mAh ki battery, jo ki 18W fast charging support ke saath aayegi aur iska 16MP ka punch-hole selfie camera.

Vivo Z5x mein 6.53 inch ki full HD+ LCD display di gayi hai, jo aapko 19.5:9 aspect ratio ke saath milti hai aur ye smartphone Octa Core Qualcomm Snapdragon 710 chipset par chalta hai, jiske dual Kryo cores 2.2 GHz ki speed par clocked hain aur other hexa cores ko 1.7 GHz ki speed par clock kiya gaya hai.

Is dual SIM based smartphone mein Android 9.0 Pie OS ke saath FunTouch OS 9 milta hai. Saath hi camera section mein aapko 16+8+2 MP ka triple rear camera setup diya gaya hai, jismein primary 16 MP camera, f/1.78 aperture aur LED flash light ke saath aata hai, 8 MP ka secondary camera 120 degree ultra wide angle lens ke saath aata hai aur 2 MP ka camera depth sensing ke liye hai.

Vivo Z5x mein four storage variants reveal kiye gaye hain, jinke prices aap neeche dekh sakte hain.

  • 4GB RAM + 64GB internal memory – 1398 yuan (approx. 14,000 INR).
  • 6GB RAM + 64GB internal storage – 1498 yuan (approx. 15,000 INR).
  • 6GB RAM + 128GB internal storage – 1698 yuan (approx. 17,000 INR).
  • 8GB RAM + 128GB internal memory – 1998 yuan (approx. 20,000 INR).

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: