Vivo Launch Kar Sakta Hain Vivo S1, Jo India Mein Realme Aur Redmi Phones Ko Dega Takkar

Vivo ki nayi S-series ko lekar kuch rumors saamne aa rahe hain aur inke according Vivo jaldi hi is nayi S-series mein S1 ko launch kar sakta hai. Iske alawa Vivo V1831A/T model number ke saath ek smartphone ko China ke TENAA se certification bhi mila hai.

Aaj isi line-up ko lekar Vivo India ke ek executive ne leading Indian publication ko ye bataaya hai ki Vivo jaldi hi S-lineup ke saath smartphone launch karegi aur ye phones India mein bhi launch kiye jayenge. S-series ke smartphones online aur offline dono markets mein available honge. Saath hi is series ke first smartphone ka naam S1 ho sakta hai. Ye ek budget handset maana jaa raha hai jo haal hi mein launch huye Redmi aur Realme ke smartphones ke saath compete karne waala hai.

ALSO READ: Vivo V15 Pro Launched In India: First Impressions & Unboxing Video

Achhi baat ye hai ki Vivo S1 ke features, March 15 ko India mein launch hone jaa rahe Vivo V15 jaise hi bataaye jaa rahe hain, jo ki pop-up selfie camera, triple rear cameras ke saath lagbhag 22,000 INR ke price par launch hoga. Wahin Vivo S1 mein bhi notch-less display hi hogi, lekin iski kimat kewal 15,000 INR (approx.) tak ho sakti hai.

Vivo S1 mein humein 6.59 inch ki full HD+ display, Helio P70 chipset, aur 6GB ki RAM aane ki ummid hai. Saath hi rumors ke according Vivo S1 mein 24.8 MP ka front camera ho sakta hai aur rear mounted fingerprint scanner aane ki jyada ummid hai. Wahin rear panel par aapko 12+8+5 MP ka triple rear camera setup mil sakta hai.

Well, is naye smartphone ke kaafi leaked specs ab humaare aur aapke saamne aa chuke hain, aapko kya lagta hai. Is price mein Vivo S1 aata hai, to ek achha smartphone hoga ya nahin.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: