Vivo Ki Official Website Par Shuru Ho Chuki Hai Vivo Carnival Sale, In Phones Par Mil Rahe Hain Bhaidiya Discount

Vivo India ki official website par Vivo Carnival Sale shuru ho chuki hai. Sale ke duaraan company phones par Rs 10,000 ka discount offer kar rahi hai. Yeh sale 6th June se shuru ho kar 8th June tak chalegi. Discount ke alawa aapko iss sale mein exchange offer aur EMI option bhi milenge. Iss sale mein pop-up selfie camera wala smartphone Vivo V15 Pro bhi include hai.

 

Vivo V15 Pro ki regular price Rs 32,990 thi jismein 6GB/128GB variant aapko diya jaa raha tha. Ab iss handset ki price Rs 26,990 kar di gayi hai. Issi ke saath iss phone ka 8GB/128GB variant Rs 29,990 mein mil raha hai. Iss phone mein aapko triple rear camera setup aur front mein pop-up mechanism wala 32MP camera milta hai. Iss phone mein Octa Core 675AIE Snapdragon processor diya gaya hai. Vivo V15 bhi aapko iss sale mein  Rs 19,990 ka mil raha hai jismein 6GB/64GB storage aapko milti hai. Iss phone mein bhi aapko 32MP ka pop-up selfie camera milta hai.

April month mein India mein launch kiya gaya Vivo Y17 smartphone bhi iss sale mein diya jaa raha hai. Iss triple rear camera wale phone ko iss sale mein Rs 3,000 ke off ke saath Rs 15,990 mein diya jaa raha hai. Iss phone ki regular rice Rs 18,990 hai.

 

Vivo V9 phone par company Rs 11,000 ka discount offer kar rahi hai. Iss phone ki regular price Rs 23,990 hai. Discount ke baad yeh phone aapko Rs 12,990 mein diya jaa raha hai. Iss phone mein 24MP ka front facing camera aapko milta hai.

 

Inn sabhi phones ke alawa Vivo Carnival Sale mein aapko Vivo Y71, Vivo V9 Pro, Vivo Y81  jaise phone par bhi attractive offer dekhne ko milenge. Issi ke saath USB cable, Power adapter, earphones iss sale mein discounted price mein offer kiye jaa rahe hai. Sale mein spin contest bhi chalaya jaa raha hai jise spin karke aap Rs 100, Rs 500, Rs 1,000 ke coupons aur earphone bhi jeet sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: