Vivo Ki Nayi Entry-level U-series ka First Smartphone Vivo U1 Announce Hua

Vivo ne haal hi mein apni premium series iQOO ki announcement ki thi, saath hi aaj company ne nayi entry-level U-series ka first smartphone bhi announce kiya hai. Is smartphone ko aaj Midnight Black, Purple aur Aurora Red color options mein China mein launch kiya gaya.

Vivo U1 ke two storage options launch kiye gaye hain, jinmein 3GB RAM aur 32GB storage ke saath aane waale variant ki kimat 799 yuan (approx. 8,500 INR) hai. Wahin 4GB+64GB storage option ki kimat 1199 yuan (approx. 12,500 INR) rakhi gayi hai.

Aaiye ab aapko bataate hain ki is budget phone mein aapko kya features milne waale hain.

Vivo U1 ki display 6.22 inch ki hai, jo HD+ resolution, waterdrop notch, 19:9 aspect ratio aur 2.5D curved glass ke saath fit ki gayi hai. Wahin is handset mein aapko Qualcomm ka naya chipset Octa Core Snapdragon 439 diya gaya hai.

Is dual based smartphone mein Android 8.1 Oreo operating system ke saath FunTouch OS 4.5 UI di gayi hai.  Saath hi yahaan 13MP primary rear shooter hai aur saath hi secondary 2MP ka camera depth focusing ke liye diya gaya hai.

Vivo U1 mein aapko rear panel par dual sensors aur LED flash light ke alawa, fingerprint scanner aur uske neeche Vivo ki branding milti hai. Is handset mein 8 MP ka front camera fit kiya gaya hai. Iske alawa aapko 4030mAh ki battery di gayi hai, lekin yahaan par fast charging support nahin hai.

Connectivity options mein dual 4G VoLTE, 3G, Wi-Fi 802.11 a/b/g/n, Bluetooth 5.0, GPS aur micro USB port shaamil hain. Is handset ke India launch ki abhi tak koi announcement nahin ki gayi hai, lekin agar ye India mein launch hota hai, to shayad abhi thoda waqt baaki hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: