Vivo Ke Waterdrop Smartphone ki Images Leak, ‘Crazy Phone’ Design Ke Saath Ho Sakta Hai Launch

Last year se Vivo wo company ban chuki hai, jiske flagship smartphone mein fans har baar kuch naya expect karte hain. Vivo hi wo company hai, jisne sabse pehle in-display fingerprint scanner aur slider cameras ke saath phone launch kiye. Iske baad Vivo NEX world ka first smartphone hai, jismein aapne dual displays dekhi. Ab Vivo ke upcoming flagship ko lekar fans to excited honge hi.

Lekin aaj aayi khabar se aisa lag raha hai, jaise ye leading Chinese smartphone maker, phir se kuch naya karne ki taiyaari mein hai. Aaj Vivo k eek naye smartphone ki pictures leak hui aur maana jaa raha hai, ki ye smartphone ek ala gaur anokhe hi design ke saath launch hoga. Abhi tak humne waterdrop notch suna hai, lekin is smartphone ke liye kaha jaa raha hai ki ye ‘Waterdrop Design’ Ke Saath launch Hoga.

ALSO READ: In sabhi Options Mein Investment Kar, Future Ho Sakta Hai Secure

Is smartphone ko ‘Crazy Phone’ ka title mil raha hai. Haal hi mein ek tipster ne bhi kaha hai ki Vivo ab aise design ke saath smartphone launch karne wala hai, jo abhi tak kisi ne nahin dekha.

Leakster Ice Universe ne Twitter par haal hi mein Vivo ke is upcoming smartphone ki images share ki hain, jinhein aap upar dekh sakte hain. Saath hi Ice Universe ke according, Vivo ke is smartphone ko “The Waterdrop” naam diya jayega. Inke according is smartphone mein na koi notch hoga, na hi bezels aur naa hi koi physical buttons. Saath hi ismein power buttons aur volume rocker bhi nahin diye jayenge.

Iske alawa aap images mein dekh sakte hain ki front aur back panel ko kis tarah merge kiya gaya hai, inke beech mein koi separation line nahin hai. MWC 2019 mein Vivo apne is ‘Crazy Phone’ Ko showcase kar sakta hai, jiska intezaar ab fans ke liye mushkil hoga.

ALSO READ: Is Tarah Aap Jaan Sakte Hain, Kisne Aur Kahaan Kiya Aapke Adhaar Card Ka Istemaal

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: