Vivo Ka Upcoming Flagship V11 Pro, 6th September Ko Hoga India Mein Launch

Vivo aaj apne next India launch event ke invites send kar raha hai. Jee haan ! Vivo apna naya flagship smartphone jiska naam V11 Pro hai, 6th of September ko Mumbai mein launch karne jaa raha hai.

Halaanki company isse pehle bhi invites bhej chuki hai, lekin unmein sirf “block your date Sept 6” hi mention tha, jabki aaj ke invite mein smartphone ka naam V11 Pro aur launch event ki location – Mumbai bhi mention ki gayi hai.

Company ke aaj jo invite release kiya hai usmein aap dekh sakte hain ki Oppo F9 jaisi hi water drop notch di gayi hai jismein kewal front camera hi moujood hoga. Same aisi hi notch ke saath Vivo ka X23 aaj company ki Chinese official website par list bhi kiya gaya hai.

Iske alawa Vivo X23 jo aaj officially saamne aaya hai, mein in-display fingerprint scanner bhi moujood hoga aur usi tarah ka fourth generation fingerprint scanner Vivo V11 Pro mein bhi aayega.

Iske alawa bhi rumors yahi kehte nazar aa rahe hain ki, Vivo V11 Pro aur Vivo X23 mein aur bhi kayi similarities hain, jisse ye expect kiya jaa raha hai ki V11 Pro, Vivo X23 ka hi global version ho sakta hai. Yaani ki Vivo X23 ke China launch ke baad ise India mein V11 Pro naam ke saath launch kiya jaa sakta hai.

India mein aane waale is smartphone ke rumored specifications kuch aise hain. V11 Pro mein 6.41-inch ki FHD+ AMOLED display aane ki ummid hai. Ismein Qualcomm ka Snapdragon 660 chipset diya gaya hai. Saath hi ismein 6GB RAM aur 128GB ROM aa sakte hain.

Ye bhi kaha jaa raha hai, ki Oppo R17 ki hi tarah ismein bhi 25 MP ka front camera hoga aur iska rear camera setup 12 + 5 MP ka hoga. Halaanki iski battery capacity 3400mAh ki bataayi jaa rahi hai.

Well, ye specs kitne sahi prove hote hain, ye to aane waale kuch samay mein pata chal hi jayega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: