Vivo Ki Nayi Premium Smartphone iQOO Series Ke First Phone Ke Specs Company Ne Confirm Kiye

Vivo jaldi hi apni nayi iQOO series ko market mein launch karne wala hai. Abhi tak saamne aayi news mein company ne bataya tha ki yeh Vivo ki premium series hogi. Wahin aaj pehli baar company ne iss series ke pehle smartphone ki kuch specifications saamne rakhi hain. Vivo iQOO ne ek teaser image share ki hai, jismein phone ke processor se le kar internal storage capacity tak ko show kiya gaya hai. Saath hi dusri image mein phone ka rear panel ko bhi dikhaya hai.

 

 

Official teaser image mein bataya gaya hai ki yeh phone Snapdragon 855 chipset ke saath aayega. Iske alawa is image se yeh bhi confirm hota hai ki yeh phone 12GB RAM aur 256GB internal storage ke saath launch kiya jaaega. Vivo iQOO mein 4000mAh ki battery aapko milegi jo ki 44W ki fast charging ko support karegi. Charging ke liye aapko USB type-c port diya jayega. Ye ek gaming smartphone ho sakta hai, NFC aur 4D gaming experience ka saath yeh phone super HDR camera ko bhi support karega. Yeh sabhi specifications Vivo ne official teaser post mein confirm ki hain. Iske alawa company ne yeh bhi confirm kiya hai ki yeh phone 6th generation in-display finger print scanner ke saath launch kiya jaaega.

 

 

Benchmark leaks ki according yeh phone FHD+ display support ke saath aa sakta hai. Wahin issi leaks mein iss phone ka model number V1824A bhi saamne aaya hai. Iske alawa expect kiya jaa raha hai ki ismein Super VooC charging ho sakti hai. 4D gaming technology ke saath yeh phone game lovers ke liye achhi choice bhi ban sakta hai. Phone ka rear panel triple rear camera ke saath dikhai de raha hai jo ki gradient glossy finish mein hain.

Phone ke launch date ko le kar abhi tak final date company ne reveal nahi ki hai. Iss phone ko 2019 NBA All Star Weekend ke dauraan tease kiya gaya hai. Phone ki update Vivo ke Weibo account se ki gayi thi. Ummid ki jaa rahi hai ki iss phone ko company MWC 2019 mein bhi showcase kar sakti hai. Initially yeh phone China mein launch kiya jaa sakta hai. Jaisa ki company already mention kar chuki hai ki iQOO Vivo ki ek premium series hone wali hai, to definitely yeh phone ek premium price tag ke saath launch ho sakta hai. Well, Vivo iQOO ki final price to iske launch ke baad hi pata chal sakegi, tab tak ke liye hum sabhi ko wait karna hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: