Vivo iQOO Series ka First Flagship Phone Hone Wala Hain Launch; Teaser Mein Reveal Huye Main Specs

Vivo jaldi hi apne sub-brand iQOO ko Chinese market mein launch karne wala hai. Maana jaa raha hai ki ye sub-brand premium smartphones ke liye hoga. Vivo iQOO ki kaafi specifications already saamne aa chuki hai jo ki khud company ne last week, official teaser mein unveil ki hain. Aaj is Chinese brand ke apne Weibo account ke through ye announce kiya hai ki iss phone ko 1st March 2019 ko Shenzhen, China mein launch kiya jayega.

 

 

Company ne audience ko live event attend karne ke liye ek registration karne ke liye kaha hai, jahan select ki gayi audience ko China jaakar live event dekhne ka mouka diya jaaega. Post kiye gaye image mein ek tag line dikhai de rahi hai  “Monster Inside”, ise aap upar dekh sakte hain. Iss tag line se expect kiya jaa sakta hai ki yeh ek powerful device hone wali hai aur is tag line ka ishaara Qualcomm ke latest aur powerful Snapdragon 855 chipset ki taraf ho sakta hai. Iske alawa is smartphone mein aapk, USB type-C port, NFC, Super HDR support, 12GB RAM, 256GB internal storage aur 4000mAh ki battery milne waali hai.

Iske alawa kuch rumours bhi saamne aa rahi hain jahan yeh bataya jaa raha hai ki yeh ek foldable phone bhi ho sakta hai. Well ! itna to company pehle hi confirm kar chuki hai ki iss phone mein 4D gaming experience aapko milne wala hai. No doubt, ki yeh Vivo ka abhi tak ka most premium phone bhi ban sakta hai. Haalanki kaafi brands apne gaming phones launch kar rahe hain jinmein Xiaomi Black Shark, Asus ROG, Razer phone ke naam already include hai. Isiliye expect kiya jaa sakta hai ki Vivo bhi iQOO phone ko gaming series mein launch kare. Halaanki company ne koi confirmation nahin di hai ki ye ek foldable ya gaming phone hoga, iska pata humein launch hone ke baad hi chal payega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: