Vivo iQOO Mein 12GB RAM Ke Saath Milega Ab Ek Aur Storage Variants

Vivo ne last month ek nayi smartphone series ki shuruaat karte huye Vivo iQOO smartphone ko launch kiya tha. Yeh ek premium series gaming smartphone hai jise Qualcomm Snapdragon 855 chipset ke saath announce kiya gaya tha.

 

Launching ke samay company ne iss phone ko 4 storage option mein announce kiya tha, jismein 6GB/128GB, 8GB/128GB, 8GB/256GB aur 12GB/256GB variants include hai. Lekin company ne aaj iss phone ke 12GB/128GB variants ko bhi launch kar diya hai. Haalnki iss phone ke new variant ko abhi sirf  China mein hi announce kiya gaya hai.

 

Vivo iQOO mein 6.4 inch ki FHD+ super AMOLED display di gayi hai. Iss phone mein triple rear camera setup diya gaya hai. Primary camera 12MP ka, secondary camera 13MP ka aur third camera lens 2MP ka milta hai. Iss phone mein selfie camera bhi 12MP ka diya gaya hai. Phone mein 4000mAh ki battery di gayi hai jo ki 44W ki ultra fast charging ke saath aati hai.

 

Iss phone ka 12GB/128GB  variant China mein 14 April se sale ke liye available hoga.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: