Vivo iQOO 3 India Mein February Mein Hi Hoga Launch, Flipkart Par Aaye Teaser Mein Reveal Hui Date

Vivo ki sub-brand iQOO ne India mein apne first smartphone ko launch karne ki announcement last month hi kar di thi. Last week mein company ki new website iqoo.com/in hi live ho gayi. Lekin aaj company ne ye announce kar diya hai ki isi month iQOO 3 India mein launch hone waala hai.

Vivo iQOO 3 ka teaser Flipkart par nazar aaya hai jismein likha hai “ 2020 ke Biggest Quest Ke Liye Taiyaar Rahein, ek Smartphone jo Performance, Power aur Innovation ko Redefine karta hai”. Is teaser mein neeche likha hai, “Revealing On 17th Feb, 2020”.

Lekin ye thoda sa doubtful hai ki ye phone India mein China se bhi pehle is date ko launch hoga ya nahin, kyunki China mein iski launch date 25th February hai. Company ne is phone ka video teaser bhi share kiya hai jise aap neeche dekh sakte hain.

Iske alawa Geekbench benchmarking site se is phone ke specs bhi leak huye hain. Sabse pehle to ismein aapko 12GB ki RAM dekhne ko milegi aur ismein Android 10 OS hoga. Saath hi iQOO ke General Manager ne ye bhi confirm kiya hai ki ye UFS 3.1 storage ke saath aayega aur iske saath launch hone waala ye world ka first phone hai. Ismein LPDDR5 RAM hogi.

Is handset ke rumored specifications mein 6.44 inch ki AMOLED display, 2.84GHz Octa Core Snapdragon 865 chipset, 12GB LPDDR5 RAM aur 256GB inbuilt storage shaamil hain. Iske alawa iQOO 3 triple rear cameras ke saath aa sakta hai, jismein primary sensor 64MP ka ho sakta hai, secondary 13MP aur 2MP ka ek depth sensor ho sakta hai.

Phone ki battery capacity 4500mAh bataayi jaa rahi hai aur ye 55W fast charging support ke saath aa sakti hai.

.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: