Vivo Gaming Smartphone iQOO Announced With Snapdragon 855 & 12GB RAM

Vivo ne last month apni series iQOO announce ki thi aur aaj is series ka first smartphone company ne announce kiya hai. Vivo iQOO ek gaming smartphone hai, jise powerful features ke saath mid-range price segment mein launch kiya gaya hai.

Aaiye is handset ke features, aapko zara detail mein bataate hain.

Vivo iQOO mein 6.41 inch ki full HD+ Super AMOLED display, jise 19.5:9 aspect ratio ke saath reveal kiya gaya hai. Ise power dene ke liye 7nm process based Octa Core Snapdragon 855 chipset hai. Ismein single Kryo 485 core ki clock speed 2.84 GHz hai, 3 Kryo 485 cores ko 2.42 GHz ki speed par clock kiya gaya hai, wahin other four Kryo cores 1.8 GHz ki clock speed ke sath aayenge.

Vivo iQOO mein aapko three storage options milte hain, 6GB LPDDR4x RAM ke saath 128GB storage, 8GB RAM ke saath 256GB inbuilt memory aur 12GB RAM ke saath bhi 256GB internal memory di gayi hai.

Ye phone dual SIM based hai aur Android 9.0 Pie OS ke saath ismein FunTouch OS 9 diya gaya hai. Saath hi ismein in-display fingerprint scanner bhi hai.

Vivo iQOO mein triple rear cameras hain – 12 MP primary rear camera mein Sony IMX 363 lens use hua hai, 13 MP secondary camera, jo 120 ultra wide angle lens use karta hai aur last 2 MP ka camera depth focus karne ke liye hai, jo aapke portrait shots ko enhance karta hai. Front par waterdrop notch ke saath ismein 13 MP ka selfie sensor fitted hai.

Is smartphone ke rear panel par two electro optic lines hain, jinmein colorful LED strip hai aur gaming ke dauraan, kisi bhi notification ke aane par ye light blink karti hain. Saath hi ismein gaming ke liye two pressure sensitive hidden buttons bhi diye gaye hain.

iQOO mein aapko 4000mAh ki battery milti hai. Lekin achhi baat ye hai ki ye 44W ultra fast flash charge technology ke saath aati hai, jo aapke is premium smartphone ko kewal 45 minutes mein 0 to 100% charge karne ki capability rakhti hai. Ye fast charging support kewal 15 minutes mein aapke handset ko 50% charge kar sakta hai.

Ab baat karte hain pricing details ki.

  • 6GB+128GB – 2998 yuan (approx. 32,000 INR) (is variant mein fast charging nahin hai).
  • 8GB+128GB – 3298 yuan (approx. 35,000 INR)
  • 8GB+256GB – 3598 yuan (approx. 38,000 INR)
  • 12GB+256GB – 4298 yuan (approx. 45,000 INR)
Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: