Vivo December 9 Ko India Mein Host Karega Ek Event, Launch Hoga Ye Phone

Vivo ne haal hi mein India mein Vivo U20 aur Vivo Y19 jaise smartphones launch kiye hain. Ab company next month, December 9 ko India mein ek aur smartphone launch karne jaa rahi hai, jiski announcement company ne aaj ki hai. Halaanki company ne is smartphone ka naam announce nahin kiya hai, lekin teaser mein ek phone punch-hole display ke saath nazar aa raha hai aur expect kiya jaa raha hai ki ye vivo V17 ho sakta hai.

ALSO READ: Vivo Z5i Snapdragon 675 Ke Saath Announce Hua, Ye Hain Specs & Price

Vivo V17 ko company ne two days pehle hi Russia mein announce waterdrop notch display ke saath launch kiya hai. Jabki yahaan par aapko ek major update ye dekhne ko milega ki India mein is handset ko puch-hole selfie camera ke saath launch kiya jaa sakta hai aur baaki sabhi specs same hi rahenge.

Saath hi design bhi aapko yahaan par same hi milega. Front par punch-hole selfie camera hoga aur 6.38 inch ki full HD+ AMOLED display hogi. Wahin rear panel par diamond shaped quad rear camera setup hoga jismein primary camera 48MP ka hai.

Ye handset Snapdragon 665 chipset ke saath saamne aayega aur ismein 8GB ki RAM hogi aur 128GB ki inbuilt memory di jayegi. Ismein 4500mAh ki battery, 18W fast charging support ke saath milegi.

Russia mein is handset ki kimat approx. 25,000 INR hogi, lekin India mein ise aur kam price mein launch kiya jaa sakta hai, taaki ye Redmi aur Realme phone ke saath compete kar sake.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: