Vivo Apex 2019 Hua Announce; Amazing 3D Design, 5G Support Aur Without Any Ports Saamne Aaya

Last year ke NEX ki tarah, is saal bhi Vivo ne ek concept phone announce kiya hai, Vivo Apex 2019. Is smartphone ki khaasiyat hai, ki ismein koi charging port, headphone jack, SIM tray ya speaker nahin hai. Saath hi ye 5G connectivity ke saath launch kiya gaya hai aur ismein 12GB RAM di gayi hai.

Kal launch huye Meizu Zero ki tarah, ismein bhi aapko pressure sensitive volume rockers aur power button diye gaye hain. Charging ke liye ismein ek magnetic port diya gaya hai, yaani ki charger magnet ke through bottom part se connect hota hai aur phone ko charge karta hai.

Vivo Apex 2019 mein full screen sound technology ke through poori phone ki screen ko speaker aur earpiece ki tarah use kiya jaa sakta hai. Is smartphone 6.39 inch ki display hai, jismein koi bhi notch, ya camera moujood nahin hai. Saath hi ye Octa core Snapdragon 855 chipset ke saath launch kiya hai.

Ismein se SIM card slots remove karke 5G connectivity ke saath eSIM ka istemaal kiya gaya hai. Vivo Apex 2019 mein 256GB aur 512GB storage options diye gaye hain. Vivo ke is naye phone mein 12+13 MP ka dual rear camera setup moujood hai. Lekin yahaan par aapko front camera nahin milta.

Vivo Apex 2019 ko MWC 2019 mein showcase kiya jaa sakta hai aur kuch samay ke baad in dono smartphones ko globally launch kiya jaa sakta hai, jaise ki NEX ko kiya gaya tha.

Well, iske price ka abhi koi andaza nahin hai, lekin specs dekhte huye, aap guess zaroor kar sakte hain, ki price kya hoga is future phone ka.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: