Vivo 20th February Ko Pop-Up Camera Ke Saath India Mein Lekar Aa Raha Hai New Phone, Vivo V15 Pro Expected

Vivo, India mein next month apna naya smartphone launch karne ki taiyaari kar raha hai. Company is smartphone ko February 20 ko launch karne waali hai, jiske liye media invites bhi bheje jaa chuke hain. Is invite ko aap neeche dekh sakte hain.

Filhaal rumors kuch aise hain ki Vivo, V11 Pro ka successor, V15 Pro launch kar sakti hai, jismein triple cameras aur pop-up selfie camera hoga. Vivo V15 Pro ko lekar pehle bhi rumors aa chuke hain aur is handset ke back cover ki images bhi leak ho chuki hain, jo neeche di gayi hai.

Is case ke according is handset mein rear mounted fingerprint scanner bhi nahin hoga, iska seedha matlab yahi hai, ki V11 Pro ki tarah ismein bhi in-display fingerprint sensor hi diya jayega. Saath hi ismein power button aur volume rockers left edge ki taraf dikhaayi de rahe hain, jabki right edge par ek aur button moujood hai. Wahin audio jack top edge par hai, jabki charging port aur speaker bottom edge par hi aayenge.

Well, is smartphone ka design thoda unique ho sakta hai. Pricing ki baat karein to, ye smartphone Vivo ke pehle pop-up selfie camera waale phone Vivo NEX ke barabar costly nahin hoga. Maana jaa raha hai ki iska price lagbhag 30,000 INR hoga. Iske alawa ye bhi rumors hain, ki is upcoming Vivo smartphone ko Vivo X25 ke naam se same time par China mein bhi launch kiya jaa sakta hai.

Expected hai ki launch se pehle, coming weeks mein humein Vivo V15 Pro ke leaks dekhne ko milein. Saath hi ye smartphone agar is price mein launch hota hai, to India mein 25 to 30K ki price range mein moujood, sabhi smartphone ka ek achha competitor hoga.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: