Viral Ho Rahi Face App Ko Kahin Aap Bhi To Use Nahi Kar Rahe Hain? Jaane Kya Hai Iska Sach

Iss samay internet par ek app kaafi viral ho rahi hai. Iska naam Face App hai. Yeh app 2017 mein design ki gayi thi, lekin achaanak iss samay yeh app viral kyun ho rahi hai? Iska main reason hai ki yeh app aapko aapki umar se pehle hi aged dikha sakti hai. Yeh app Artificial intelligence technology par kaam karti hai, jiski help se aap apni photo ko iss par upload kar ke yeh dekh sakte hain, ki aap kuch samay baad kese dikhenge. Yeh app aapke dwara upload ki gayi image par wrinkles, grey hair  jaise aging signs ko add kar deta hai, jiske baad apki future image kesi hogi, yeh dekha jaa sakta hai. 

Haal hi mein iss app ki help se kaafi celebrities ne apne photos ko edit kar khud ko aged dikhaya hai, jiski wajah se yeh kaafi trending bhi ho raha hai. Face App se khud ko aged dikhane ki iss list mein Ranveer Singh, Deepika Padukone, Arjun Kapoor, Varun Dhawan, Anil Kapoor, Virat Kohli, Mahendra Singh Dhoni jaise celebrities shaamil hai.

Iss app ko Google Play Store se 100 Millions se bhi jyada baar download kiya jaa chuka hai. Saath hi yeh app Apple ke App store par top position par aa chuki hai. Yeh app aapki future image ko kis had tak sahi dikhati hai, iss baat ke liye kuch bhi kehna sahi nahi hoga, lekin iss app ke jariye yeh company aapke phone se aapke private data ko nikal rahi hai. Aapko sayad nahi pata hoga ki jab aap iss app ko download karne ke baad apne phone mein install karte hain to, privacy terms and conditions ko accept karne par apne data ko use ki permission aap khud hi dete hain.

Rumors ki maane to yeh app aapke dwara upload kiye gaye data ko apni marketing mein use kar sakti hai. Yeh data advertising companies ko hand over kiya jaa sakta hai. Aapke dwara upload ki gayi image sheedhe app ke server par upload hoti hai, jise aap chahe phone se to delete kar sakte hain lekin wah server par apni jagah bana chuki hoti hai.

App ki privacy policy ki maane to, jab bhi user unki app ya service ko use karenge to yeh service automatically kuch files ko record karti hai. Iske alawa aapke dwara use kiya jaa raha URL, IP Address, browser ko bhi address kiya jaa sakta hai. Company ne kaha hai ki wah user ki permission ke bina uske data ko kahin bhi use nahi karenge, jismein data ka sale aur rent karna bhi include hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: