URI : The Surgical Strike , Jaane Kya Kehati Hai Deshbhakti Par Bani Iss Movie Ki Kahaani

Aaj ek nahi 2 biopic movie cinema gharon mein release huyi hain. Jismein aaj dusra naam hai URI: The Surgical Strike ka. Yeh movie September 2016 mei huye URI attack ko dikhati hai. Jahan Pakistan ki taraf se huye iss attack mein humare desh ke kaafi militants maare gaye the. Jiske jawab mein Indian army ne yeh URI attack kiya tha. Jo ki ek planned strike thi. Yeh movie poori tarah to nahi lekin kaafi had tak uss surgical strike ki situation ko dikhane kaamyab huyi hai.

Film ke lead characters ki baat karein to aapko movie mein Vicky Kaushal, Paresh Rawal, Yami Gautam, Mohit Raina, Kriti Kulhari nazar aati hain . Jahan Vicky Kaushal aur Mohit Raina army officers ka role play kar rahe hain. Wahin Yami Gautam ek investigator officer ke role mein dikhai deti hai. Kriti Kulhari ek army pilot ke role mein dikhti hain. Paresh Rawal National Security Adviser ke role mein aur Rajat Kapoor Indian Prime Minister ke role mein nazar aate hain.

Movie shuru hoti hai ek army se bhari huyi bus par huye attack se. Jis duaraan Uss bus mein bethe sabhi 19 army officers maare jaate hain. Isi ke saath URI par kiye jaane waale surgical strike ki shuruaat hoti hai. Jahan Vihaan Singh Shergill apni job se pre-mature retirement lena chante hain lekin Prime Minister unhe iske liye permission nahi dete hain. Lekin unhe transfer ke liye allow kar diya jaata hai. Yeh transfer unke kisi kaam ka nahi hota kyun iss attack ke chalte unhe iss surgical strike ka head bana diya jaata hai.  Jahan wah apni duty poori dedication saath karte nazar aate hain. Issi surgical strike ke planing aur plotting mein movie aage bhadti hai. Jahan unhe ek machine drone milta hai jo ki ek intern ke dwara banaya gaya hota hai. Yahan movie thodi jyada cinematic hoti huyi aapko lag sakti hai.

Iske baad ki gayi planning ki according Indian army Pakistan ke bane huye terrorist ke thikaano ko khatam kar deti hai. Movie mein aapko VFX aur thrill kaafi had tak impress karta hua nazar aa sakta hai. Lekin thriller ki baat karein to utna nahi hai jitna aap ek war movie se expect karte hain. Movie mein dikhaye gaye scene apke andar patriotism ko motivate karne ke liye kaafi hain. Movie ka first half aapko sayad utna impressive na lage jitna ki second half hai. Uski wajah second half mein hone wale war scene hai. Jahan helicopter se hone wale attack jaise scene aapko ache lagenge.

Yeh movie patriotism par based hai lekin kahin na kahin aapko ismein army officer ki personal life bhi interrupt hoti huyi dikhai deti hai. Vicky Kaushal aur Mohit Raina ke role ek alawa aapko iss movie mein baki sabhi characters side hote huye lagte hain. Movie ke dialogue aapko kaafi motivate karte hai. Iske alawa Mohit Raina ki beti ek party ke duaraan jo war cry bolti hai woh aapki body mein goose bumps tak laa sakti hai. Isi ke saath saath war ke duaraan army ke dwaar lagaye jaane wale naare bhi movie mein ek thrill ka kaam karte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: