Dual Cameras Ka Trend Hua Purana, Three / Four / Five Rear Cameras Ke Saath Aane Waale Hain Ye Smartphone

Hi Guys ! Samsung ke Galaxy Note 9, jo ki ek kaafi achha smartphone hai, ke baad, company phir se naya smartphone launch karne ki taiyaari mein. Lekin is smartphone mein aapke liye kuch khaas hai.

Darasal, Samsung ne ek naye launch event ke invites roll out kiye hain, jo ki October 11 ko hoga. Is invite mein company ne likha hai “ ‘4x fun’ A Galaxy Event”.

Is tag line se aapko kya hint milti hai ? – 4x optical zoom ya four cameras ya phir kuch aur ?

Ye to confirm hain ki aane wala smartphone camera centric hoga. Lekin khaas baat ye hai ki kuch hi samay pehle famous leakster Ice Universe ne twitter par post kiya tha ki Samsung jaldi hi ek smartphone launch kar sakta hai jismein four rear cameras honge.

Jyadatar ab tak two front aur two rear cameras ke saath phones aate the, lekin Samsung ne aane waale is smartphone mein aapko four rear cameras milne ki ummid hai.

Iske baare mein abhi aur koi information nahin hai. Lekin kya aap jaante hain ki Samsung ke alawa aisi aur bhi kayi companies hai, jo more than two rear cameras ke saath jaldi hi smartphone launch kar sakti hain.

LG V40 ThinQ

LG ka upcoming flagship smartphone, LG V40 ThinQ October 3, 2018 ko launch hone jaa raha hai. Is smartphone mein aapko three rear cameras aur two front cameras mil sakte hain. Iske alawa ismein OLED display aur Snapdragon 845 chipset hoga. Lekin is smartphone ko bhi company USD 900 ya usse jyada ke price tag ke saath launch kar sakti hai.

Nokia 9

HMD Global bhi is jyada cameras dene waali race mein, piche nahin rehna chahti aur isiliye company apna upcoming smartphone Nokia 9, five rear cameras ke saath launch karne waali hai. Rumors ki maanein to is smartphone mein bhi Snapdragon 845 CPU aur 4150mAh ki battery hogi.

Huawei P20 Pro

Is race ku shuruaat karne waale smartphone Huawei P20 Pro mein bhi triple rear sensors diye gaye hain jinmein 40 MP + 20 MP + 8 MP sensors diye gaye hain.

OnePlus 6T

Haal hi mein aayi OnePlus 6T ki leak se bhi ye pata chalta hai ki ye smartphone bhi triple rear cameras ke saath aa sakta hai. Well, ye leak kitni sahi hai, ye kehna thoda mushkil hai. Iske alawa OnePlus 6T mein in-display fingerprint scanner, 8GB RAM, 256GB/ 512GB storage aur Snapdragon 845 processor jaise features bhi include honge, jo is eek flagship smartphone banaate hain.

Lekin jyada cameras ka hona hi, achhi photos ki guarantee nahin hai. Abhi bhi jo duniya ke sabse behtareen camera phones hain unmein ek ya do rear cameras hi moujood hain, jaise ki Google Pixel 2, 2XL aur naya iPhone XS.

Google aur Apple jaisi companies ne cameras numbers ko na badhaate huye, camera ke software ko improve karne par jyada dhyaan diya hai. Google aur Apple dono hi achhi pictures ke liye machine learning aur NPU (Neural Engine) par dependence badha rahe hain. In phones mein smart HDR aur HDR jaise features multiple images ko shoot karke, unko ek achhi image mein merge kar dete hain. Halaaki ye thoda costly approach hai aur isiliye shayad mid-range smartphones mein ek se jyada cameras dekar, consumers ko attract karne ki koshish kar rahe hain.

Ye to hamaari salaah hai, lekin aap is triple , four aur five rear cameras ke baare mein kya sochte hain, humein comments ke zariye zaroor bataayein.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: