October 2018 Mein Launch Hone Waale Hain Ye Sabhi Smartphones

October ka month shuru ho chuka hai aur is month mein bahut se important smartphones saamne aa sakte hain. Inmein se kuch flagship smartphones hain aur kuch budget segment mein aapko mil jaayenge. Halaanki kuch handsets pehle globally launch honge aur uske kuch hi din baad India mein introduce kiye jayenge.

Agar aap bhi achhe smartphones ki talaash mein hain, to kuch din ruk jaaiye aur intezaar kijiye in smartphones ka jo India mein is month mein launch honge ya phir is mahine se sale ke liye available honge.

iPhone XR

Sabse pehle hum baat karte hain, iPhones 2018 series ke so called affordable smartphone ki, jiski kimat India mein 76,900 INR se start hoti hai. Is smartphone ko India mein aap October 26 se purchase kar sakte hain. Ismein 6.1 inch ki Liquid Retina LCD display hai aur hexa core A12 Bionic chipset par ye chalta hai. iOS 12 ke saath aane waale iPhone XR mein aapko ek physical nano SIM milti hai aur doosri e-SIM hai. Is upcoming smartphone mein 12 MP rear camera, 7 MP front camera, Face ID recognition ke liye TrueDepth camera, aur three storage options milte hain.

OnePlus 6T

Ek ke baad ek, hazaaron rumors se popular huye OnePlus 6T ka launch bhi isi month hai. India mein is handset ko October 17 ko launch kiya jayega aur ummid hai ki iska price 40,000 INR kea aas-paas hoga. Ismein water-drop notch ke saath full HD+ display, Snapdragon 845 chipset, dual rear cameras, 3700mAh ki battery aur in-display fingerprint sensor nahin aayega. Saath hi, major change ye hoga ki aapko ismein audio jack nahin milega, jo ki ek drawback bhi hoga.

Well, iske baaki specs jaanne ke liye thoda intezaar karna padega.

Realme 2 Pro

Finally ‘Budget killer’ ke taur par launch hua Realme 2 Pro bhi ek amazing handset hai, jo aapko 11th October se kewal Flipkart par milega. Ismein bhi full HD+ display, dual rear cameras, powerful Snapdragon 660 chipset, 16 MP ka front camera, 3500mAh ki battery, rear mounted fingerprint scanner aur three storage options milte hain.

4GB+64GB – 13,990 INR

6GB+64GB – 15,990 INR

8GB+128GB – 17,990 INR

Nokia 7.1 Plus

Haal hi mein HMD global ne October 11 ko India launch announce kiya hai, jiske invites bhi relase kiye jaa chuke hain. Expected hai ki company is event mein Nokia 7.1 Plus aur Nokia 7.1 ko India mein showcase karegi. Inmein se Plus variant mein aapko notch display mil sakti hai aur Nokia 7.1 ke mukaable higher battery capacity aur storage milne ki ummid hai.

Ummid hai ki in dono hi smartphones ka global launch isi week ho sakta hai, jismein full specifications aur pricing details saamne aa jayengi.

Pixel 3 / 3 XL

Google ki flagship Pixel 3 series bhi jaldi hi announce hone jaa rahi hai. In dono smartphones ko October 9 ko Paris aur NewYork mein announce kiya jayega. Inmein se Pixel 3 XL mein aapko notch display milegi aur doosre mein normal full vision display hai. Pixel 3 mein 5.5 inch ki display aa sakti hai, jabki Pixel 3 XL mein 6.7 inch ki display expected hai. Pixel 3 XL mein 12.2 MP ka rear camera aa sakta hai aur 8.1 MP ke dual front cameras honge. Jabki Pixel 3 mein 8 MP ke dual frontal sensors hain.

Pixel 3 aur Pixel 3 XL mein Snapdragon 845 processor aur Android 9.0 Pie software honge.

Ummid hai ki global launch ke couple of weeks ke baad, ye dono handsets India mein entry lenge.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: