Top 7 Smartphones Coming To India in November 2018

October mein India mein bahut se achhe smartphones launch huye hain, jinmein Google ki Pixel 3 series, Honor 8X aur ASUS Zenfone Max M1 jaise smartphones shaamil hain. Lekin aane waale month, yaani ki November 2018 mein bahut se achhe handsets India mein launch ho sakte hain. Inmein aapko nayi technology aur amazing design dikhenge.

Ye hai, November 2018 mein India mein launch hone waale smartphones ki list.

Samsung Galaxy A9

Samsung Galaxy A9 world ka first smartphone hai jo four rear cameras ke saath launch kiya gaya hai. Is smartphone ko October mein hi Malaysia mein launch kiya gaya tha aur ummid hai ki is month mein ise India ke saath saath other countries mein bhi announce kiya jayega. Samsung India ki website par bhi ye handset list kiya jaa chuka hai. Snapdragon 660 chipset, full HD+ AMOLED Infinity display, 3800mAh battery, 6GB / 8GB RAM options ke saath aane waale is smartphone ki India price 50,000 INR kea as-paas ho sakti hai.

Huawei Mate 20 series

 

Huawei Mate 20 series, haal hi mein announce ki gayi hai, ismein four smartphones hain, jinmein triple rear camera sensors hain aur two handsets mein in-display fingerprint scanner bhi hai. Saath hi company ne ye confirm kiya hai ki Mate 20 ke India launch mein wireless charger bhi include kiya jayega.

Mate 20 series mein bhi aapko 6GB / 8GB RAM options milenge aur 64GB/ 128GB / 256GB storage options launch ho sakte hain. In handsets ki starting price approx. 45,000 INR hogi.

Redmi Note 6 Pro

November 2018 ki upcoming smartphones ki list mein Xiaomi ne affordable handset add kiya hai. Company dwara iska teaser bhi leak ho chuka hai, jismein ye saaf hai, ki jaldi hi Redmi Note 6 Pro India mein launch ho sakta hai. Halaanki aap ise Redmi Note 5 Pro ka successor consider nahin kar sakte, kyunki ismein kuch khaas upgradations nahin hain.

Redmi Note 6 Pro mein notch display, 6.26 inch full HD+ screen, dual rear aur dual front cameras, Snapdragon 636 processor, 4GB RAM, 64GB internal memory aur 4000mAh ki battery hai.

Is smartphone ka cost lagbhag 15,000 INR hoga.

Nokia 7.1 Plus

91mobiles ki aayi ek report ke according, HMD Global bhi November 2018 mein India mein ek smartphone launch kar sakti hai, jo ki Nokia 7.1 Plus (X7) ho sakta hai. Saath hi kuch reports ye bhi kehti hain, ki company is smartphone ko India mein Nokia 8.1 ke naam ke saath launch karegi. Ye handset Android One smartphone hai, jiski kimat India mein 30,000 INR ke aas-paas hogi.

Ismein 5.84 inch ki full HD+ notch display, Snapdragon 636 processor, 32GB / 64GB storage, 3GB / 4GB RAM aur 3060mAh ki battery aa sakti hai. Iske alawa ismein 12+5 MP ke dual rear cameras aur 8 MP ka front camera hoga, jo Zeiss optics ke saath aayenge.

Vivo Y95

Vivo Y95 ek mid-range smartphone hai, jo Vivo Y83 ke successor ke taur par India mein launch hone waala hai. Is smatphone ki price 15,000 INR ho sakti hai, lekin iske alawa iske specs ya design ko lekar abhi koi information nahin aayi hai.

Realme 3

Haal hi mein IMC 2018 ke dauraan MediaTek ne apna naya chipset MediaTek Helio P70 announce kiya. Saath hi ye bhi bataaya gaya ki upcoming Realme smartphone mein aap is chipset ko pehli baar dekhenge. Saath hi is chipset ki performance ke baare mein bhi bataaya gaya. Is baare mein abhi confirmation nahin aayi hai, lekin bhaari maatra mein ye rumors hain, ki Realme 3 is chipset ke saath November 2018 mein launch ho sakta hai.

OnePlus 6T

OnePlus 6T ke baare mein hum aapko bata hi chuke hain. Is smartphone mein Snapdragon 845 processor, full HD+ optic AMOLED display, dual rear cameras, 3700mAh battery, in-display fingerprint sensor diya gaya hai. India mein ye smartphone 37,999 INR ki starting price ke saath kal hi launch kiya gaya hai, halaanki purchase ke liye ye November ki 1st se available hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: