Upcoming Smartphone Samsung Galaxy Note 9 Ke Pre-orders India Mein August 19 Se Honge Start

Har saal ki tarah is baar bhi Samsung ki Note series ka naya smartphone year ke second half mein hi launch hone jaa raha hai. Samsung Galaxy Note 9 ka global launch 9th August ko NewYork city mein hai. Jabki iska India launch, global launch ke theek ek week ke baad expect kiya jaa raha hai. Halaanki ye India launch date confirm nahin hai, lekin India mein iske pre-orders kab se start honge, ye date aa chuki hai.

91 mobiles ki information ke according Samsung Galaxy Note 9 India mein August 19, 2018 se pre-order ke liye available hoga. Iska matlab ye smartphone India mein 12th August se 16th August ke beech launch ho sakta hai jiski kimat, rumors ke according 70,000 INR se 75,000 INR ke beech hogi. Is smartphone ke pre-orders 19th se shuru hokar August ke end tak chalenge aur September first week se Galaxy Note 9 ki sale shuru hogi.

Iske alawa ye bhi expect kiya jaa raha hai ki pre-orders karne ke saath aapko goodies bhi milenge. Galaxy Note 9 two or three storage versions mein launch ho sakta hai jinmein 64GB, 128GB aur 256GB storage options shaamil hain.

Isi ke saath is smartphone mein aapko 6.4-inch ki display, QHD+ resolution aur 18.5:9 aspect ratio ke saath mil sakti hai. Iska global version Snapdragon 845 chipset ke saath announce hoga. Lekin India aur kuch other countries mein ise Exynos 9810 processor ke saath hi launch kiya jayega.

Galaxy Note 9 ke rear panel par dual rear camera setup horizontally fit kiya gaya hai, iske side par hi LED flash light hai aur cameras ke neeche fingerprint sensor moujood hai. Iske alawa ismein new aur enhanced S Pen bhi hoga jisse is baar fans ko kaafi expectation hain aur 4000mAh ki battery hogi jo fast charging aur wireless charging support ke saath aayegi.

Iski other details bhi global launch ke nazdeek aate aate bahaar aa sakti hain, jinke liye intezaar abhi baaki hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: