Upcoming Realme X Ke Specs, Price Aur Storage Variants Leak Huye

Realme 3 Pro jise logon ne kaafi pasand kiya hai aur Redmi Note 7 Pro ka strong competitor bhi hai, ke baad company ne apne next smartphone par kaam shuru kar diya hai. Haal hi mein TENAA certification ke dauraan is smartphone ko spot kiya gaya aur company ne bhi reveal kiya ki wo ek naye smartphone par kaam kar rahi hai, jiska naam Realme X hai.

Realme X ke design aur pop-up selfie camera ke baare mein TENAA certification se pata chalta, lekin aaj is smartphone ke major specs aur price bhi leak ho chuke hain. Weibo par ek tipster ne share kiya ki, is smartphone mein company Snapdragon 730 chipset dene waali hai, jo ki SD 710 ka successor hai aur isi year launch kiya gaya hai.

Is tipster ke according, Realme X mein 48+5 MP ka dual rear camera setup mil sakta hai aur selfies ke liye yahaan par ek elevating camera diya jayega. Maana jaa raha hai ki is upcoming smartphone mein 6.3 inch ki notchless display hogi aur ismein aapko two storage options milenge.

Realme X mein bhi Realme 3 Pro ki tarah VOOC charging 3.0 support mil sakta hai. China mein ye smartphone May mein hi launch hoga aur saath hi Realme 3 Pro ko bhi company China mein Realme X Lite ya Realme X Youth naam ke saath launch kar sakti hai.

Isi ke saath tipster ka ye bhi kehna hai, ki Redmi ke Snapdragon 855 phone ke saath compete karne ke liye, Realme bhi ek SD 855 phone launch kar sakti hai.

Filhaal Realme X ke two variants jo saamne aaye hain, unmein 6GB +64GB storage hai, jiski price 1599 yuan (16,400 INR) bataayi jaa rahi hai, 6GB+128GB storage option ko 1,799 yuan (18,500 INR) ke price par launch kiya jaa sakta hai aur high-end variant 8GB+128GB ki kimat 1,999 yuan (20,600 INR) ho sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: