Two Companies Ne Tease Kiye World Ke First Under Display Camera Phones

Pop-up selfie cameras aur punch-hole selfie cameras ke baad, ab jaldi hi under the display camera waale phones bhi dekhne ko milenge. Jahaan last week, Xiaomi ke under the display camera phone ke patents leak huye the. Wahin aaj is company ne under the display camera phone ki ek teaser video bhi officially share ki hai. Itna hi nahin, Oppo ne bhi apne under display camera smartphone ki ek teaser share ki hai.

Halaanki ye sirf teasers hain, yaani ki late 2019 mein ya phir next year tak hi company in handsets ko launch karengi. Lekin Xiaomi aur Oppo ne confirm kar diya hai ki, ye dono hi under the display camera smartphones par kaam shuru kar chuke hain.

Xiaomi President Lin Bin ne bhi Weibo par ek smartphone tease kiya tha, jismein kisi tarah ki koi notch nahin thi, saath hi unhone bataaya tha ki is technology ko wo future mein announce karne waale hain. Iske alawa Xiaomi ke claim kiya hai ki wo aisi technology dhoondh chuke hain, jisse notches aur pop-up cameras ka trend bhi khatm ho jayega aur front camera ko display ke andar bhi hide kar sakenge aur aap complete notchless display ko enjoy kar sakenge. Ismein wo 20 MP ka camera, 5P lens ke saath de sakte hain.

ALSO READ: Oppo Reno & Reno 10x LossLess Zoom Variant Launched In India

Oppo ne bhi jo teaser video post ki hai, usmein upper middle area mein front camera hai aur yahaan par primary display ke neeche ek secondary display bhi hogi, jo camera ke upar hogi aur light sensors accordingly dono screens ke saath kaam karenge taaki front camera ko accordingly hide ya show kiya jaa sake.

Iske alawa Samsung ne bhi last year apne Samsung OLED forum ke dauraan announce kiya tha ki wo bhi under the display camera phone par kaam kar rahe hain, lekin abhi tak unki taraf se aisa koi smartphone saamne nahin aaya hai.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: