TV Ki Is Actress Ko Mili Saza, Kiya Ja Sakta Hmesha Ke liye Bahar

Television serial “Tu aashiqui” main pankti ke role ke liye pehchani jaane vali actress jannat juber rehmani in dino saatve aasmaan par thi, kyuki serial ne is time bharat ke sabse aage ke 5 shows main apni jagah bana li thi, lekin unki yeh khushi jyada din tak reh nahi paayi kyuki khabar aa rahi hai ki unhe is show se jaldi hi chutti mil sakti hai.

News ki maane to Ahaan  (Ritvik arora) or pankti (Jannat juber) ke beech onscvreen kissing scene ki planning hui thi, lekin jannat ki maa ne producer ke samne is scene ke liye aitraaz jataya. Yahi nahi producer or uski maa ke beech kaha suni bhi ho gayi. Spotboy ki report ke according, jaise hi show main lead role play kar rahi actress pankti ko jaise hi scene ke liye actor ke gaalon par kiss karne ke liye kaha gaya, vaise hi makers or unki maa ke beech jhagda shuru ho gaya.

Spotboy ki news ke according, serial main pankti or aahaan young couple ka role play kar rahe hai. Is jodi ko darshak bhi pasand kar rahe hai. Dono ke beech love scenes bhi dikhaye jaate hai, jispar 16 saal ki jannat ki maa ko aapati hai. Reports ki maane to producers is baat se na khush hai or vo jannat ko show se replace karna chahte hai. Reports ki maane to 3 actress ka audition bhi liya gaya hai. Jinme main helly shah, puja banerjee or tanya sharma shamil hai.

Aapko yeh bhi bata de ki  kuch din pehle hi show ki saflta ke liye jannat ne ek byaan main kaha tha ki,” Main show ki saflta or is baat se khush hi ki humari mehnat rang laayi hai, shuruaat se hi show ko acha response mil raha hai or show aage badh raha hai. Main 5 shows main aana humare liye badi uplabdhi hai. Vahin is show ke actor aahaan ne bhi kaha tha ki yeh mera pehla show hai or main iska hissa bankar khud par bahut proud feel kar raha hu ki, main itne bade show ka part hu. Unhone aage kaha ki,” Yeh dekhna kafi khushi deta hai ki log iski kahaani or avdharna ki praise kar rahe hai.

Aapko yeh bhi bata de ki is show se pehle bhi jannat juber rehmaani pehle bhi kai serials main kaam kar chuki hai, unhone as a child artist kai chows main kaam kr chuki hai. Jannat ‘Dil mil gaye’ , ‘Fulwa’ , ‘Bharat ka veer putra- maharana pratap’ or ‘Meri awaaz hi meri pehchaan hai’ , jaise shows main as a child artist kaam kar chuki hai, tab bhi unki acting skills ko kafi pasand kiya gaya tha, logon ko unka kafi pyaar mila tha.

Facebook Comments

Recommended For You

About the Author: Riya Sharma

Leave a Reply

Your email address will not be published.

%d bloggers like this: