Triple Rear Cameras Ke Saath, 27th September Ko India Mein Launch Hoga Samsung Galaxy A7 (2018)

Hello Samsung fans ! Aapke liye company laa rahi hai naya smartphone with triple rear cameras.

Samsung bhi ab jyada cameras dene ki race mein peeche nahin rehna chahta. Ab tak company ne mid-range, yahaan tak ki flagship smartphone S9+ aur Note 9 mein bhi dual rear cameras hi diye hain. Lekin company ne kal hi Galaxy A7 (2018) launch kiya hai, jismein triple rear cameras hain. Aur aaj ki khaas khabar ye hai, ki handset 27th September ko India mein launch hone wala hai.

Flipkart ne aaj is smartphone ke liye teaser page bhi live kar diya hai, jiska seedha matlab ye hai, ki Galaxy A7 Flipkart exclusive hoga. Jaisa ki hum jaante hi hain ki Galaxy A series mid-range smartphones ke liye jaani jaati hai, ye smartphone bhi India mein lagbhag 30,000 INR se start hoga.

Aaiye ab aapko iske specs ke baare mein bataate hain-

Sabse pehle baat karte hain, iske triple rear cameras ki. Ismein 24 MP ka primary rear camera hai, jo LED flash light, f/1.7 aperture ke saath aayega, second 8 MP rear camera 120 degree ultra wide camera hai aur third rear camera 5 MP resolution aur f/2.2 aperture ke saath fit kiya gaya hai. Iske alawa iska front camera bhi 24 MP ka hi hai, jo f/2.0 aperture ke saath moujood hai.

Samsung Galaxy A7 (2018) mein 6-inch ki full HD+ Super AMOLED Infinity display hai aur ye octa core processor par chalta hai jiski clock speed 2.2 GHz hai. Is dual SIM smartphone mein 4GB RAM ke saath 64GB aur 128GB storage options milenge. Iske alawa high-end version mein 6GB RAM ke saath 128GB storage hogi.

Iske saath hi ismein side-mounted fingerprint scanner hoga, behtar audio experience ke liye Dolby Atmos support bhi diya jayega. Ye Android 8.0 Oreo OS par chalne waale phone mein 3300mAh ki battery fast charging support ke saath milegi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: