Triple Rear Cameras Aur 5000mAh Battery Ke Saath Budget Price Par Launch Hua Vivo Y12

Vivo Y12 ki Leaks ke baare mein hum pehle bhi aapko bata chuke hain aur aaj company ne is smartphone ko India mein launch bhi kar diya hai. Is smartphone ki highlights ki baat karein to, ismein kewal 12,490 INR ke price par aapko 5000mAh ki battery aur triple rear cameras milte hain.

Vivo Y12 mein 6.35 inch ki HD+ 19.3:9 display hai, jo ki waterdrop notch ke saath di gayi hai. Ismein 2.0 GHz ki clock speed ke saath Octa Core MediaTek Helio P22 chipset moujood hai, jiske saath aapko 650MHz IMG PowerVR GE8320 GPU bhi milta hai.

Vivo Y12 mein triple rear camera setup aur rear panel par placed fingerprint sensor diye gaye hain. Ismein 13 MP ka primary rear camera f/2.2 aperture aur LED flash light ke sath hai, wahin 8 MP ka secondary ultra wide angle lens bhi f/2.2 aperture ke saath aur third depth focusing camera 2 MP resolution ke saath yahaan fitted hai.

Is dual SIM phone mein selfies ke liye bhi, 16 MP ka front camera milta hai, jo ki f/1.8 aperture ke saath diya gaya hai. Is phone mein aapko koi fast charging nahin di gayi, lekin battery capacity achhi hai.

Iske two storage options release kiye gaye hain. 3GB RAM ke saath 64GB storage hai aur 4GB RAM ke saath 32GB storage hai, in dono hi variants ka price 12,490 INR hai. Ye phone Android 9.0 Pie OS par chalta hai, jis par FunTouch Os 9 skin bhi hai.

Vivo Y12 ko Aqua Blue aur Burgundy Red color options mein Amazon, Vivo online aur Vivo offline stores  se purchase kiya jaa sakta hai.

Iske alawa company India mein jaldi hi Vivo Z1 Pro bhi launch karne waali hai, jismein aapko punch-hole selfie camera, Snapdragon 712 chipset aur triple rear camera jaise features milenge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: