Triple Rear Camera Aur Pop-up Selfie Camera Ke Saath Huawei Ne Launch Kiya Huawei Y9 Prime 2019 Smartphone

January 2019 mein Huawei ne India mein Huawei Y9 smartphone ko launch kiya tha jismein front aur rear dono hi panel par aapko dual cameras setup diya gaya tha. Company ne iss phone ke upgraded variant Huawei Y9 Prime 2019 ko launch kar diya hai. Haalanki yeh phone abhi India mein  announce nahi kiya gaya hai. Iss phone mein aapko pop-up selfie camera aur triple rear camera setup diya gaya hai. Phone ka look haal hi mein launch kiye gaye Huawei P Smart Z smartphone se bhi kaafi match karta hai.

Huawei Y9 Prime 2019 mein 6.5 inch ki full HD+ screen di gayi hai jo ki 2.5D curved glass display ke saath aati hai. Phone ki screen ka aspect ratio 19.5:9 diya gaya hai. Huawei Y9 ki tarah iss phone mein bhi Octa- core Kirin 710F chipset ka use kiya gaya hai jo ki ARM Mali G51 MP4 GPU ke saath aata hai. Iss processor ko 12nm mobile platform par design kiya gaya hai. Huawei Y9 ko company ne single storage variant mein launch kiya tha wahin Huawei Y9 Prime 2019 mein aapko do storage option dekhne ko milenge. Ismein 4GB RAM ke saath 64GB aur 128GB internal storage ka option diya gaya hai. Yeh phone 512GB tak ke microSD card ko support kar sakta hai.

 

Phone ke rear panel par triple rear camera milta hai jismein primary camera 16MP ka, secondary camera 8MP (Ultra Wide Lens ) ka aur third camera 2MP (Depth Sensor) ka diya gaya hai. Pop up selfie camera bhi aapko 16MP ka milta hai. Yeh phone rear panel finger print scanner ke saath aata hai. Ismein aapko dual nano sim aur ek microSD card ka slot milta hai. Huawei Y9 Prime 2019 mein EMUI 9.0 based Android 9.0 Pie operating system diya gaya hai.  Iss phone mein company ne 4000mAh ki typical battery di hai jo ki fast charging support ke saath aati hai. Charging ke liye aapko iss phone mein USB type-C port milta hai.

 

Connectivity ke liye yeh phone dual 4G VoLTE, dual band Wi-Fi, Bluetooth 5, GPS, GLONASS ko support karta hai. Company ne iss phone ko Midnight Black, Emerald Green and Sapphire Blue colors mein announce kiya hai. Yeh phone middle East mein pre-order ke liye available hai jahaan iske 128GB variant ki price SAR 969 (~Rs 18,150) rakhi gayi hai. Middle East mein iss phone ki shipping 23rd May se shuru ki jaayegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: