Triple Rear Camera Aur Finger Print Scanner Ke Saath India Mein Announce Hua Vivo Y15 Smartphone

Last month Vivo ne India mein Vivo Y17 smartphone ko launch kiya tha. Issi lineup ke ek aur smartphone Vivo Y15 ko bhi aaj India mein launch kar diya gaya hai. Phone ki highlight mein iska AI triple rear camera hai. Yeh phone bhadiya specs aur features ke saath ek affordable price par announce kiya gaya hai. Yeh phone single storage option ke saath aata hai.  Company ne iss phone ko do gradients colors mein reveal kiya hai jahaan aapko Aqua Blue aur Burgundy Red color option milte hain.

Vivo Y15 mein  6.35 inch ki HD+ IPS display di gayi hai, jo ki 2.5D curved glass ke saath aati hai. Phone mein primary camera 13MP (f/2.2 aperture) ka, secondary camera 8MP (f/2.2 aperture) ka ultra wide angle lens ke saath aata hai aur third camera 2MP ( f/2.4 aperture) ka diya gaya hai.  Front panel par aapko 16MP ka camera milta hai. Vivo Y15 mein Octa-Core MediaTek Helio P22 processor ko use kiya gaya hai, saath hi ismein IMG PowerVR GE8320 GPU bhi aapko milta hai.

 

Also Read : Vivo Ne Launch Kiya Punch Hole camera Wala Smartphone, Vivo Z5x

Phone ke rear panel par finger print scanner ka option diya gaya hai. Yeh phone 5000mAh capacity ki battery ke saath aata hai. Iss phone mein Funtouch OS 9 based Android 9 Pie operating system aapko milta hai. Iss phone mein aap do nano sim aur ek microSD card ko ek saath use kar sakte hain. Vivo Y15 mein aapko dual 4G VoLTE ke alawa Wi-Fi, Bluetooth, GPS+GLONASS jaise connectivity option mil jaate hain.

 

Yeh phone Rs 13,990 ki keemat par aapko milta hai jismein 4GB RAM aur 64GB internal storage aapko milti hai. Yeh phone Vivo ke online store ke saath saath Amazon.in, Flipkart, Paytm, Tata Cliq aur sabhi offline stores mein sale ke available hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: