Triple Layer Air Filter, Voice Command Jaise Features Ke Saath India Mein Launch Hua Mi Air Purifier 3

Xiaomi ne aaj India mein apne latest Mi Air Purifier 3 ko launch kar diya hai. Bhadte huye pollution ko dekhte huye iss air purifier mein aapko kaafi advance features dekhne ko milte hain. Yeh air purifier voice command support ke saath aata hai, jismein aapko Alexa aur Google Assistant ka support milta hai.

Mi Air Purifier 3 ke front side par OLED panel diya gaya hai, jiski help se ise operate karna aur bhi easy ho jaata hai. Pollution level ko show karne ke liye OLED panel par green, orange aur red LED ring light di gayi hai. Iss touch panel ke through aap PM2.5 levels, Wi-Fi connection, humidity, switch, modes, brightness aur fan speed ko control kar sakte hain. Purifier mein extremely power efficient under night mode diya gaya hai, jo ki sirf 32dB intensity ki sound produce karta hai.

Iss air purifier mein HEPA filter aur activated carbon filter diya gaya hai jo ki 99.97% small pollutants particles ko eliminate kar formaldehyde, toxic substances aur bad odour ko bhi remove karta hai. Mi Air Purifier 3 mein CADR (Clean Air Delivery Rate) diya gaya hai, jo ki each minute 484  Square Feet Area mein 6333 liter air ko purify karta hai.

Iss Mi Air Purifier ko aap Mi Home App ke through apne smartphone se connect kar sakte hai. Iski help se na sirf ise control kiya jaa sakta hai balki yeh app real time mein Air Quality Index (AQI) ki jaanakri bhi deta hai. Mi Air Purifier 3 ko India mein Rs 9,999 ki price tag ke saath launch kiya gaya hai. Mi.com par yeh purifier order ke liye aaj se available hai. Iske alawa Flipkart aur Amazon.in se aap ise 7th November se purchase kar sakte hain.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: