TRAI Ne Jaari Kiya Naya Niyam DTH Aur Cable TV Providers Ke Liye, Jaaniye Kya Honge Naye Rules

Telecomm Regulatory Authority Of India (TRAI) ne 1 February se naye DTH aur cable TV rules ko apply karne ke liye announcement kar diya hai. Iss announcement mein koi bhi DTH operator ya cable TV provider aapko unhi channels ke liye charge kar paaega jinhe aap dekhna chahenge. Yeh package aapke dwara banaya jaaega. Aap chahe to bane huye package mein se bhi channel ko select kar sakte hain.

 

Aap kisi bhi provider se yeh package le sakte hain fir chahe wah Tata Sky ho ya Airtel ya fir Big TV. Aap apne man pasand ke channels choose kar ke khud ke dwara ek package bana sakte hain. Iss package mein wahi channels include kare jaa sakte hain jinki price Rs.19 ya iss se kam ho. Yeh rate TRAI ke dwara hi fix ki gayi hai. Iski wajah se sabhi cable TV provider ya DTH provider ko apne channels ki price maximum Rs. 19 hi rakhni padegi. jiska seedha benefit consumer ko milega.

 

Iske alawa iss package mein wah channels bhi include karna compulsory hai jo ki public broadcaster Doordarshan (DD) ke dwara chalaye jaate hain. Ismein total 25 channels include honge. Jo ki free provide kiye jaaenge. Iss rule ki according consumers ko 100 channels ke liye Rs 130 dene honge. Inn Rs. 130 ke alawa aapko 18% tax bhi dena hoga. Inn 100 channels mein aapko 25 free to air channels aur paid channels dono hi milenge.

 

Inn sabhi channels ke liye maximum retailing price (MRP) bhi TRAI ke dwara announce ki gayi hai jise aap neeche di huyi links par jaa kar dekh sakte hain. Iske alawa pehle se banaye gaye packages mein se bhi aap apna packge choose kar sakte hain.

 

Dish TV ne apne package ki shuruaat Rs 85 se ki hai. Jahan Rs. 85 mein aapko 170 channels milenge. Iske alawa Airtel TV ke plans mein bhi aapko reasonable price mein bhadiya channels dekhne ko milenge. Airtel base plan ki shuruaat Rs 99 se ki gayi hai. Wahin Tata Sky ke customized pack ke liye aapko Rs 220 dene honge.

 

 

Iss service ko aur bhi simplify karne ke liye TRAI ne ek web application bhi launch ki hai jiske jariye aap yeh check kar sakenge ki aapko kis channel ke liye kitna amount pay karna hai. Iss ke dwara aap apne channels bhi select kar sakte hain. Iss web application mein aapko sabhi channel ki list aur unki price dekhne ko milegi. Iss Web Application mein aapko step by step apne state, languages, channel type choose karna padega. Iske baad aap apne channels ko select kar sakte hain. Web application ke liye aap neeche di gayi link par click kar sakte hain.

https://channel.trai.gov.in/index.html

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: