Top Fashion Designer In India, Check Out List Here To Know More

Fashion, glamour aur trend yeh teen cheejhon se mil kar bana hota hai ek fashion designer. Ji ha aaj yaha hum aapko batane jaa rahe hain aise kuch fashion designers ke baare mein jinhone na sirf Bollywood mein balki Hollywood mein bhi apne designs se fashion trends ko set kiya hai. Agar baat ki jaaye do dashak pehle ki yeh batana bahut hi aasan hota ki kaun kitna behtar designer hai lekin aaj yeh bata paana thoda muskil ho gaya hai. To aaiye jaante hain inn fashion designers ke baare thoda bahut.

 

1. Manish Malhotra

Indian cinema ke andar agar sabse pehle kisi fashion designer ka naam aapki jubaan par aata hai to woh hai Manish Malhotra. 25  saal ki age mein hi Manish Malhotra ne apna fashion designing ka kaam shuru kar diya tha aur 2005 mein unhone apna first label work start kiya tha. Bollywood ki jaani maani hastiyon ke saath Manish Maholtra kaam kar chuke hain, jinmein Aishwarya Rai Bachhan, Kareena Kapoor, Kajol, Shri Devi jaisi actress bhi shaamil hai.

 

2. Abu Jani Sandeep Khoshla

Abu jani aur Sandeep Khoshla aaj na sirf Bollywood balki Hollywood ke liye bhi costume design karte hain. Jahan inhe year 2002 mein film Devdas ke liye National Film Award For Best Costume Design bhi mila tha. Haal hi mein most popular Abu Jani Sandeep Khaoshla Label ki baat ki jaaye to Sonam Kapoor ka wedding lehenga tha jo kaafi popular hua tha. Abu jani Sandeep Khoshal ke India ke andar total 7 bridal and couture showrooms hain.

 

3. Sabyasachi Mukherjee

Kolkata se belong karne wale Sabyasachi ne 1999 mein National Institute Of Fashion Technology se graduation complete ki aur issi ke baad unhone apna chota sa business start kiya tha. Sabyasachi apne traditional designer fashion ke liye famous hain. Jahan beete kuch se yeh label market mein apni alag hi pehchaan banaye huye hai. Costume designing ke baad Sabyasachi ab jewelry designing mein bhi work karte hain. Jahan unke dwara design ki gayi jewelry  aur costumes fully hand crafted hoti hai.

 

4. Neeta Lulla 

 

Neeta Lulla Bollywood ki jaani maani  best female designers mein se ek hain jinhone kaafi kam samay mein fame gain kiya hai. Neeta Lulla, jinhone Aishwarya Rai Bachhan ka wedding lehenga design kiya tha. Jisne us samay kaafi popularity gain ki thi. Neeta Lulla apne best bridal collection ke liye jaani jaati hain.

 

5. Rohit Bal

Rohit Bal Bollywood industry ke unn designers mein se ek jo men aur women dono ke liye costume design karte hain. Rohit Bal ne apna career apne bhai Rajiv bal ke saath 1990 mein shuru kiya tha. Rohit Bal ko 2001 mein Kingfisher Fashion Achievement Award mein ‘Designer Of the year’ ka award mila tha. Iske alawa Kaun Banega Crorepati game show ke liye bhi Rohit bal costume design kar chuke hain. Rohit Bal ne India mein 6 cities Mumbai, Ahemdabad, Delhi, kolkata, Chennai aur Banglore mein apne flagship store open kiya huye hain.

 

6. Tarun Tahiliani 

Tarun Tahiliani India ke pehle aise designer hain jinhone 1987 mein India ke andar multi-designer Boutique open kiye the jinhe baad 1990 mein Tahiliani Design Studio naam diya gaya. Modern aesthetics ko traditional design ke saath combine karna Tarun Tahiliani ki khaasiyat hai. Haal hi mein Vu Technologies ke saath mil kar Tarun Tahiliani ne Designer TV ko bhi introduce kiya hai. Iske alawa Tarun apne Indian wedding event designing ke liye bhi famous hain.

 

7. Ritu Beri 

Ritu Beri Indian fashion designer hone ke saath International Costume designer bhi hain. Inhone apna pehla flagship store 1990 mein open kiya tha. Ritu Beri pehli aisi designer thi jinhone French Fashion brand ke saath kaam kiya tha. Iske alawa Ritu Beri ko 2016 mein The Inspirational Power Brands Glam Award diya gaya tha. Ritu Beri apne french designs ke liye sabse jyada famous hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: