Top 5 Alternative Smartphones Of Samsung Galaxy M30

Samsung ne kal India mein Galaxy M10 & M20 ke baad, M-series ke third smartphone Galaxy M30 ko launch kiya hai. Company ne yeh smartphone affordable price mein launch kiya hai, jismein Galaxy M30 ke two variants Rs 14,990 aur Rs 17,990 ki price ke saath available honge. Rs. 14,990 mein aapko iss phone ka 4GB/64GB variant aur Rs 17,99o mein 6GB/128GB variant milega.

Samsung Galaxy M30 mein 6.38 inch ki FHD+ super AMOLED display di gayi hai, jo ki water drop notch ke saath aati hai. Iss phone mein Exynos 7904 chipset diya gaya hai. Phone ki highlight hai iski battery jo ki 5000mAh ki milti hai. Saath hi yeh phone triple rear camera ke saath aata hai jismein 13MP ka primary camera, 5MP ka secondary wide angle camera aur 5MP ka hi depth sensing camera milta hai. Phone ki price iske specifications ko poori tarah se justify karti hai lekin iss price tag ke saath market mein aur bhi smartphones available hain jo ki iske strong competitors bhi hain aur powerful specs ke saath market mein available bhi.

Agar aap Samsung ke fan nahi hain ya kisi bhi wajah se is handset ko nahin kharidna chahte hain, to hum aaj aapke liye iske best alternative smartphones bataane jaa rahe hain, jinhein kuch basic details ke saath neeche list kiya hai, jinhe aap dekh sakte hain.

Realme 2 Pro

Yeh phone last year September mein launch hua tha, jo iss price segment mein audience ko kaafi pasand aaya hai. Iss phone mein company ne Qualcomm Snapdragon 660 processor diya hai. Realme 2 pro ko 3 storage variants mein launch kiya gaya hain jahan aapko iss phone ke 4GB/64GB variant ke liye Rs 13,990 aur 6GB/64GB variant ke liye Rs 15,990 aur top variant 8GB/128GB ke liye Rs 17,990 dene honge. Iss phone mein 6.3 inch ki FHD+ display, water drop notch ke saath aati hai.

Samsung M30 ke comparison mein aapko iss phone mein battery thodi kam milti hai jo ki 3500mAh ki hai. Saath hi yeh phone dual rear camera ke saath aata hai jahan aapko 16+2MP ka rear camera aur 16MP ka front facing camera milta hain.

Vivo V9 Pro

Rs 17,990 ke price ke saath launch hua Vivo V9 pro bhi ek acha option hai, lekin filhaal iske base variant ka price bhi 13,990 INR hai. Yeh phone 6.3 inch ki FHD+ display ke saath aata hai jismein wide notch di gayi hai.  Yeh phone bhi Snapdragon 660 chipset ke saath launch kiya gaya hai. Phone mein 13MP ka primary camera aur 2MP ka secondary rear camera setup milta hain. Saath hi 16MP ka selfie camera bhi ismein hai. Vivo V9 Pro mein 3260mAh ki battery di gayi hai, jo ki easily ek din chalti hai.

Honor 10 Lite

Honor 10 Lite ka 4GB/64Gb variant market mein Rs 13,999 ki price ke saath available hai. Iss phone mein aapko 6.21 inch ki FHD+ display milti hai. Yeh phone dual rear camera ke saath aata hai jahan aapko iss phone mein 13+2 MP ka dual rear camera setup dekhhne ko milta hai. Iske alawa iss phone mein AI based 24MP  selfie camera diya gaya hai jo iss phone ki highlight hai.  Yeh phone gradient rear panel ke saath kaafi vibrant look mein aata hai. Honor 10 Lite mein Kirin 710 processor use kiya gaya hai.  Iss phone ki battery capacity 3400mAh ki hai.

 Asus Zenfone Max Pro M2

Asus Zenfone Max Pro M2 mein 6.26 inch ki FHD+ display di gayi hai. Iss phone ka 6GB/64GB variant Rs 13,999 mein available hai. Yeh phone battery ke criteria mein Samsung Galaxy M30 ka ek tough competitor saabhit ho sakta hai, kyun ki iss phone mein bhi aapko 5000mAh ki battery milti hai. Saath hi yeh phone Snapdragon 660 chipset ke sath aata hai. Iss phone mein 12+5 MP ka rear camera aur 13MP ka front camera milta hai.

Redmi Note 7 Pro

Samsung Galaxy M30 ka ek aur tough competitor Redmi Note 7 Pro hai, jo ki 13th March se purchase ke liye available hoga. First of all iss phone mein aapko 48MP ka primary camera milta hai jo ki Sony IMX586 sensor ke saath aata hai. Saath hi secondary camera 5MP ka milta hai. Iske alawa is price range mein Redmi Note 7 Pro mein aapko best aur latest chipset Snapdragon 675 diya gaya hai. Saath hi 13MP ka front facing camera iss phone mein diya  gaya hai. Phone mein 6.3 inch ki FHD+ display milti hai. Iske alawa yeh phone 4000mAh ki battery ke saath milta hai jo ki quick charge 4 ko support karti hai. Is handset ke 4GB+64GB version ko aap 13,999 INR mein purchase kar sakte hain.

Realme 3

Agar aap Galaxy M30 mein interested nahin hai, to upcoming smartphone Realme 3 bhi aapke liye ek accha handset ho sakta hai. Ise 4th March ko India mein P70 chipset ke saath launch kiya jaana hai. Saath hi ismein diamond cut design pattern hoga aur ye dual rear cameras ke saath aayega. Is smartphone ka AnTuTu score bhi impressive hai jo ki  137976 dekha gaya hai. Expect kiya jaa raha hai ki is smartphone ko bhi isi price bracket mein launch kiya jayega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: