Top 5 Web Series : You Must Watch On Amazon Prime Video

Bhadte huye internet ke use ne aaj kal TV ke shauk ko kam kar diya hai. Issi bhadte huye internet ke craze mein ab jyadaatar log TV series bhi online internet par dekhna hi pasand karte hain. Inhi TV serial se inspired ho kar digital media bhi ab apne khud ke content  ko banane lage hai jo ki aaj kal audience ko kaafi pasand aa raha hai, actually TV shows se kahin jyada web series ko pasand kiya jaa raha hai.

Yahaan hum aapko bataane waale hain, Amazon ke kuch khaas Amazon Original Web series ke baare mein, jo aapko bilkul miss nahin karni chahiye. Ye to aap jaante hi hain ki, Online marketplace ke alawa Amazon ab entertainment app bhi launch kar chuka hai, Amazon Prime Videos. Yahan aapko Amazon original web series ke alawa kaafi movies bhi milti hain.

Aisi hi kuch interesting aur iss saal ki famous online series ko hum aap ke liye yahan le kar aaye hain. Ye sirf Amazon Prime Videos par available Amazon Original series hain, jo agar aapne abhi tak nahi dekhi hain to ab inhe jarur dekh lijiye.

1. Chacha Vidhayak Hain Humare 

Stand up comedian Zakir khan ke dwara play ki gayi iss series mein total 8 episode hain. Jahan Zakir khan ek college student ka role play karte huye nazar aate hain. Jahan Zakir khan ek normal middle class family se belong karta hain lekin kisi par bhi apna pressure banane ke liye khud ko Vidhayak ka bhatijaa batata hai. jahan aakhir mein jaa kar uska saamna real Vidhayak se hota hai, aur finally wah use apna bhatijaa bana leta hai.

2. Mirzapur  

Thriller aur action se bhari yeh series aapko kisi bhi action movie se kam nahi lagegi. Pankaj Tripathi, Ali Fazal, Vikrant Massey jaise character aapko iss series mein lead role mein dikhayi denge. Sabhi 9 episodes ek dusre se iss tarah jude huye hain ki ek baar dekhne ke baad aap ise dwara jarur dekhna chahenge. Iss series mein aapko politics, love, drama, action sabhi barabar quantity mein dekhne ko milega.

3.  Breathe

Actor R. Madhvan aur Amit Sadh ke lead character mein play ki gayi yeh web series ek father ke fight ki kahani hai jo apne bacche ko bimari se bachana chahata hai. Yahan R. Madhvan single parent ka role play kar rahe hai. Jise apne bachhe ka lung transplant karana hai. Baaki ki series mein aapko poori kahani crime aur thriller se bhari huyi nazar aati hai.

4. Kaksha Gyarvi 

Agar aap ek school student hai ya school study complete kar chuke hain to yeh web episode aapko khud se jod kar rakhega. Haanki iss series mein sirf ek hi episode hai. Jo ki poore time aapko hasane mein kaamyab rahta hai. Zakir Khan ki comedy punches se aap bilkul bhi bore nahi hote hai. Aur kahin na kahin yeh series aapko aapke school ke din jarur yaad dilaati hai.

5. Inside Edge

Halaanki is web series ko aaye kuch samay ho chuka hai, lekin ye Amazon Prime Videos ki sabse pehle launch hui series mein se ek hai jo Mumbai Mavericks cricket team ki kahaani hai. Ye ek T20 mein khel rahi team ke players ki life ko dikhaati hai, saath hi ek cricket jaise international game ke peeche jo sattebaazi ka khel chal raha hai, use bhi dikhaati hai. Ismein aapko Richa Chaddha, Vivek Oberoi, Angad Bedi, Sayani Gupta, Tanuj Virwani jaise actors nazar aayenge.

Movies On Prime Videos 

Wese dekha jaaye to yeh list kaafi badi ho sakti hai lekin iss list mein humne kuch selected movies ko rakha hai jo iss saal Amazon prime Video par trend karti rahi hai. Jinmein Bollywood movies ki baat ki jaaye to Padmaavat, Raazi, Karwaan jaisi movies include hai. Aur agar baat ki jaaye Hollywood movies ki to select karna thoda tough ho jaata hai lekin agar aap Marvel Studios ke fan hain to Wonder Woman, Justice League, Spider-man jaisi movies ka mazaa Amazon prime Vidoe par jarur le sakte hain.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: