Top 5 Affordable And Useful Gadgets, Jo Aapki Daily Life Bana Sakte Hain Behad Aasaan

Aaj hum aapko batane jaa rahe hai kuch aise useful gadgets ke baare mein jo aapki daily life mein kaafi helpful saabit ho sakte hai aur sath hi aapki life ko aur bhi simple bana dete hai. Ho sakta hai aap mein se kuch log inn products ko already use kar rahe ho. Sabse khaas baat yeh hai ki yeh sabhi products Rs 1,000 ke under sort list kiye hain aur most affordable aur useful hain. To aaiye jaante hai inn helpful gadgets ke baare mein.

1.  Portronics Magnet Mobile Stand

Strong magnet ke sath aane wala yeh affordable mobile stand 360 degree mein rotate kar sakta hai aur kisi bhi angle par stand kar sakta hai. Mobile ko hold karne ke liye iss ke sath aapko 2 different designs (circular and rectangle) mein magnetic disk milti hain jise aap apne phone se stick kar sakte hai ya fir phone case ke beech me rakh sakte hai jis ki help se aapka phone iss magnet holder ke sath aasani se stick ho jata hai. Iss magnet holder  par phone ko fit karne ke baad aap phone se horizontal, vertical, inclined view ka maja le sakte hain. Flipkart ki website par yeh mobile stand aapko Rs 873 mein mil jaaega.

2. Wide Angel Camera Lens

Agar aap photography ke shaukeen hai lekin aapka phone wide angle photo capture karne mein helpful nahi hai to aap iss gadget ko jarur try kijiye. Yeh wide angle camera lens aapke phone mein manually attach ho jata hai jise easily detach bhi kar sakte hai. Iss ki help se aap apne phone mein aane waale cameras se four times wide angle photo click kar sakte hain. Yeh wide angle camera lens online bahut hi affordable price mein available hai. Amazon ki website par yeh lens aapko sirf Rs 275 mein mil jaaega.

3. Mi-Power Bank

Agar aap ek smartphone user hain, to aapke liye phone ka battery back-up definitely matter karta hoga. Mostly phones mein 3000mAh se 4000mAh tak ki battries hoti hain, jo heavy usage mein din bhar ke liye thodi kam padti hain, aur is thodi kami ko hi Xiaomi ke ye affordable Mi Power bank poori kar dete hain. Mi ke power bank aapko reasonable price mein long battery back up provide karte hain. Mi ka 10,000mAh ka power bank aapko Amazon par Rs 699 ka mil jata hai. Jis ki help se aap apne phone ko 2 se 3 baar charge kar sakte hain.

4. Flourish Lama Nano Sticky Rubber Pad

Swift Nano technology par bane yeh Sticky rubber pad aapke ghar, office, car kahin par bhi badi hi aasani se chipak jaate hai. Inn rubber pad par aap phone, tablet, metal products ko kahi bhi stick kar ke hang kar sakte hai. Yeh rubber pads aapke ghar mein kitchen se le kar bathroom tak kisi bhi metal product ko hang karne mein capable hai. Yeh product poori tarah washable aur affordable hain. Amazon ki website par yeh product aapko Rs 199 mein aasani se mil jata hai.

5. F&D E200 Sound bar

Rs 1,000 mein ek acha sound bar milna thoda mushkil hai lekin yaha humne sort list kiya hai ek affordable sound bar jo aapko milta hai sirf Rs 799 mein. Ji haan, Rs 799 mein F&D jaise brand ki taraf se aapko yeh sound bar offer kiya jata hai. Iss sound bar ko aap apne TV, smartphone se cable ki through easily connect kar sakte hain. Inn sound bar mein 1.5W ke 2 speaker diye gaye hain. Volume knob ke surrounded aapko ek LED light milti hai jo volume ko low ya high karne par blink karti hai. USB connectivity ke sath sath apko ismein 3.5mm headphone jack ka support bhi milta hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: