Top 5 Useful Apps, Jo Aapki Daily Life Ko Banaati Hain Aur Bhi Simple

Aaj ke samay mein hum sabhi smartphone use karte hain. Smartphone humari daily life ka jaruri part ban gaya hai. Agar aapka phone zara si der ke liye band ho jaaye to aisa lagta hai, maano daily routine mein koi kami aa gayi ho. Professional use ho ya personal, smartphone behad zaroori hai aur isi tarah smartphone mein kuch apps ka hone bhi utna hi zaroori hai, jo aapke daily routine mein useful aur helpful hoti hain.

Aisi ho 5 apps ke naam hum aapko aaj bataane waale hain, jo hamaari daily life ko thoda simple banaane mein hamaari help kar sakti hain. Ye sabhi apps, Google Play Store par free mein available hain, jinhein aap aaj hi instaal kar sakte hain.

1. Google Assistant

 

 

 

Google ka naam aaj kaun nahi janta hai. Apke har sawaal ka jawaab hai Google ke pass. Google ki sabhi apps behad useful hoti hain aur achhi baat ye hai ki ye sabhi Android phones mein pehle se hi installed bhi hoti hain. Google Photos, Google Drive, Google Chrome Browser, Google Maps, jaisi sabhi apps kaafi istemaal bhi ki jaati hain. Lekin saath hi kuch samay pehle Google ne jo Google Assistant ki app ko launch kiya hai, ye sabse jyada useful hai. Yun to Google ke paas har cheez ka jawaab hai, lekin Google Assistant dwara aap apne sabhi sawaalon ke jawaab voice command dwara paa sakte hain. Is baar is app ko company ne AI ke saath aur improve kar diya hai. Ab chahe alarm lagaana ho ya koi reminder, ya phir desh duniya se jude kisi bhi sawaal ke baare mein jaanna ho, to apni awaaz mein Google Assistant se poochiye aur jawaab paaiye. Type karne ki koi zaroorat hi nahin.

2. Airdroid

 

Aap kitni bhi badi screen size ka phone khareed le lekin jo maza TV ya desktop screen par dekhne mein aata hai wah maza phone ki screen nahi de sakti hai. To Airdroid ek aisi application hai jo aapki kisi Android device ki screen ko aapke PC par share kar sakti hai. Ise technical languages mein Air mirroring kehte hain. Air mirroring ke through aap apne Android device ki screen ko same as apne PC screen par dekh sakte hain aur badi screen ka maza le sakte hain aur ye sab hota hai bina kisi wire connection ki problem ke. Ji ha is Air mirroring ke liye aapko kisi bhi tarah ke wire connection ki jarurat nahi padti hai, sirf ek app download karni hai.

3. Evernote

 

Agar aapko ek hi din mein kaafi saare kaam karna ho to possible hai ki aap ek do kaam bhool hi jayenge. Aur list bhi banaate hain, to wo bhi kayi baar ghar par hi reh jaati hai. Lekin Play Store par available Evernote, ek aisi app hai jo jis par aap apni daily to-do list bana sakte hain aur iske baad aapka phone aapko reminder deta rahega.

Dekha ! Kitna simple hai, ab cheezon ko yaad rakhna.

Yeh app apke email address ke through connect ho jati hai. To agar aapka smartphone ya wah device jismein aapne koi event ya work schedule kiya hai wah lost ho jaati hai to aapko email ke through bhi yeh remind karati hai.

4. Microsoft Translator

Agar aap foreign countries ghoomne ke shaukeen hain, ya India mein kahin jaana chahte hain aur language aapki problem hai to yeh app aapke problem ka solution hai. Microsoft Translator ek aisi app hai jo na sirf audio ke through balki image ke through bhi aapko languages translate karke bataati hai aur ismein kayi foriegn countries aur Indian languages easily translate ho jaati hain.

5. Adobe Apps

 

 

Adobe Apps bahot hi useful application hai jo ki aapko professional aur personal dono hi work mein help karti hai. Adobe initially desktop ke liye available hota tha but smartphone ke badhte huye trend mein company ne ise Android aur iOS platform ke liye bhi launch kar diya. Adobe apps ke package mein aapko kaafi saari application milti hai jese Adobe Acrobat Reader, Adobe Photoshop, Adobe Creative Cloud, Adobe illustrator Draw. Iske Alawa bhi Adobe kaafi apps offer karta hai. Inn apps ki help se aap PDF file format content create kar sakte hain, Photos ko professionally edit kar sakte hain, doodling art create kar sakte hain aur bhi bahut kuch hai. Download kijiye aur pata kijiye.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: