Top 5 Smartphones With Waterdrop Notch Display In India

iPhone-X mein notch ke baad, lagbhag sabhi leading companies ne apne mid to affordable range handsets mein notch design diya hai. India mein bhi aap kisi bhi range mein notch display ke saath smartphone kharid sakte hain.

Lekin kya aapko nahin lagta, ki iPhone-X notch ke baad, waterdrop notch design ka trend badh raha hai aur iske saath aane waale smartphone, look wise jyada behtar lagte hain.

Well, agar aap bhi aisa hi sochte hain, aur isi tarah ka smartphone kharidna chahte hain, to hum aapko bata dein, ki abhi tak India mein bahut hi kam phones hain, jinmein waterdrop notch display hai.

Phir bhi hum aapke liye laayein hain ye top 5 waterdrop notch display ke saath aane waale smartphones ki list, inmein se kuch jaldi hi launch bhi hone waale hain.

Vivo V11 Pro

Vivo V11 Pro ek mid-range smartphone hai, jo September 2018 mein India mein launch hua hai. Ismein 6.51 inch ki full HD+ AMOLED display, Snapdragon 660 processor, 6GB ki RAM aur 64GB ki internal storage hai. Ismein aapko triple slots milte hain aur in-display fingerprint scanner bhi hai. Iske 25 MP front camera ke saath aapko IR face unlock bhi milta hai. Rear panel par ismein 12+5 MP ke sensors hain aur 3400mAh ki battery fast charging ke saath moujood hai.

Vivo V11 Pro online aur offline retailers par 25,990 INR ki cost mein available hai.

Realme 2 Pro

Realme 2 Pro bhi September ke last week mein launch hua. Ye waterdrop notch ke saath aane waala ek affordable smartphone hai, jiske three versions launch kiye gaye. Ismein 6.3 inch ki full HD+ display, 19.5:9 aspect ratio aur Corning Gorilla Glass protection ke saath di gayi hai. Ye handset bhi Snapdragon 660 chipset par chalta hai. Realme 2 Pro mein dual nano SIM slot aur ek microSD card slot hai.

Iske rear panel par aapko 16+2 MP ke dual rear cameras milte hain, jabki front par single 16 MP sensor moujood hai. Iske rear panel par fingerprint scanner bhi hai aur face unlock bhi achha kaam karta hai. Ismein 3500mah ki battery milti hai, lekin fast charging nahin hai.

Realme 2 Pro ki pricing details aap neeche dekh sakte hain.

  • 4GB+64GB – 13,990 INR
  • 6GB+64GB – 15,990 INR
  • 8GB+128GB – 17,990 INR

Oppo F9 Pro

Iske baad baari aati hai, August 2018 mein launch huye, Oppo F9 Pro ki, ismein bhi aapko waterdrop notch milti hai. Iski khaasiyat hai ismein VOOC flash charge ka support jo 5 minutes ki charging mein aapko 2 hours tak ka talktime deta hai.

Oppo F9 Pro mein 6.3 inch ki full HD+ display, MediaTek Helio P60 processor, 6GB ki RAM aur 64GB ki internal memory milti hai. Ismein bhi dual nano SIM + microSD card slot moujood hain. Oppo F9 Pro mein 16+2 MP ka dual rear camera setup hai, jabki front par 25 MP ka selfie shooter diya gaya hai.

Iske rear panel par fingerprint sensor hai, aur dual 4G VoLTE support bhi yahaan aapko milta hai. Iski battery 3500mAh ki hai.

Ye handset online aur offline 23,990 INR ki kimat mein uplabdh hai.

OnePlus 6T

OnePlus 6T mein bhi waterdrop notch aayegi, ye confirm ho chuka hai. Is smartphone ka India launch next week, 29th October ko hai. Ismein aapko 6.4 inch ki AMOLED display, Octa Core Snapdragon 845 processor, Adreno 630 GPU, aur Dash Charge ke saath 3700mAh ki battery milegi.

Iske alawa is baar OnePlus 6T mein in-display fingerprint sensor bhi hoga. Iske 8GB RAM tak ke options aa sakte hain aur ye Android 9.0 Pie software ke saath launch hoga.

Kimat ki baat karein to, OnePlus 6T ki starting price 40,000 INR ke aas-paas ho sakti hai.

Honor 8X Max

Honor ka 8X to India mein launch ho hi chuka hai, expected hai ki Honor 8X Max, jismein waterdrop notch hai, November 21 ko India mein launch hoga.

Honor 8X Max mein 7.12 inch ki full HD+ display hai, Snapdragon 660 chipset hai, 4GB ki RAM aur 64GB / 128GB storage moujood hai. Ismein bhi 16+2 MP ke dual rear cameras hai. Yahaan aapko 5000mAh ki badi battery bhi milti hai.

Honor 8X Max ki India price approx.. 16K se start ho sakti hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: