Top 5 Smartphones With Notch Free Full View Display, Available In India

Notches ka trend last year shuru hua aur is year mein ab khatm hota nazar aa raha hai. Wide notch se waterdrop/ dot notch ki taraf badhte huye, ab jyadatar companies pop-selfie camera tak aa pahunchi hain, jisse unke consumers ko notch free aur completely full view display ka experience mil sake.

Bezel-less display ek naya trend hai, jiski charcha zoron par hai aur kuch last months mein release huye phones mein increase hoti screen-to-body-ratio ke saath display attractive aur futuristic lagti hai. Aise kayi phones India mein bhi launch ho chuke hain, jinpar full view display ke sath aap kisi bhi content ya gaming ka achha experience paa sakte hain.

OnePlus 7 Pro

OnePlus 7 Pro ki highlight hi uski display hai. Ismein aapko pop-up camera to milta hai hi hai, lekin saamne 6.67 inch ki big fluid AMOLED display hai, jo ki 88.4% screen-to-body-ratio ke saath aati hai. Yahaan screen kaafi badi hai, lekin slimmer bezels aur notch naa hone ki wajah se phone bada nahin lagta. 90hz refresh rate, Quad HD+ resolution aur AMOLED panel ke saath aapko ek sharp, detailed aur attractive display milti hai.

OnePlus 7 Pro Price

  • 6GB+128GB – 48,999 INR
  • 8GB+256GB – 52,999 INR
  • 12GB+256GB – 57,999 INR

ALSO READ: OnePlus 7 Pro Ke Baare Mein Aap Nahin Jaante Ye 5 Baatein

Oppo F11 Pro

Oppo F11 Pro bhi pop-up selfie camera ke saath India mein March 2019 mein launch hua hai. Acchi baat ye hai ki is handset mein aapko full-view bezel free display, kaafi kam price mein mil jaati hai. Is handset mein MediaTek Helio P70 chipset hai, lekin is chipset ko Realme U1 mein 10K ke price range mein offer kiya gaya hai. Well, iske alawa ismein aapko 6.5 inch ki full HD+ display aur Corning Gorilla Glass 5 resistance milta hai.

Oppo F11 Pro Price

  • 6GB+64GB – 20,990 INR
  • 6GB+128GB – 23,990 INR

Vivo V15 / Vivo V15 Pro

Vivo V15 aur V15 Pro, dono mein hi aapko notch free display milti hai. Yahaan par main difference ye hai ki Vivo V15 mein MediaTek Helio P70 chipset hai aur iske ‘Pro’ variant mein Snapdragon 675 processor hai, jiska result aur performance kaafi achha hai, jaisa ki aap Redmi Note 7 Pro mein dekh hi chuke honge. Dono hi smartphones mein 6.39 inch ki full HD+ Super AMOLED display di gayi hai aur yahaan bhi pop-up selfie camera hone ke kaaran aapko notch-less complete full view display di gayi hai.

Vivo V15 & 15 Pro Price – 23,990 INR & 28,990 INR

ALSO READJio Vivo Cricket Offer Mein Vivo V15 Aur V15 Pro Ke Users Ko Mil Rahe Hain Rs 10,000 Tak Ke Benefits

Redmi K20 & K20 Pro

Redmi K20 & K20 Pro notch free display phones ki list mein jaldi hi shaamil hone waale hain. Ye dono phones India mein next month launch hone jaa rahe hain. Redmi K20 Pro mein Snapdragon 855 hai aur Redmi K20 mein Snapdragon 730 diya gaya hai. In dono smartphones mein 6.39 inch ki full HD+ AMOLED HDR display hai aur 103.8% NTSC Color Gamut ke saath aapko in dono handsets mein Corning Gorilla Glass 5 bhi milta hai. Notch-less display dono phones mein hain aur saath hi HDR support ke saath yahaan par aapko enhanced color reproduction aur amazing detailing bhi milti hai.

Redmi K20 & K20 Pro Price – Approx. 20,000 INR  & 25,000 INR

ASUS 6Z /  Zenfone 6

Haal hi mein ASUS par ‘Zenfone’ brand name use karne ke liye lage ban ke baad, India mein Zenfone 6 ko bhi ASUS 6Z ke naam se launch kiya gaya hai. Ye handset aise pehla phone hai, jismein aapko dual flip camera dekhne ko mila hai aur ismein bhi aapko notch free, bezel-less design milta hai. 6.4 inch ki full HD+ NanoEdge IPS LCD display yahaan aapko milti hai. Saath hi HDR 10 support aur Corning Gorilla Glass 6 ki protection bhi hai. 600 nits brightness ke saath di gayi is full view display mein bhi aap HDR supported videos aur heavy games ko enjoy kar sakte hain.

ASUS 6Z Price

  • 6GB+64GB – 31,999 INR
  • 6GB+128GB – 34,999 INR
  • 8GB+256GB – 39,999 INR

.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: