Top 5 Smartphones With In-Display Front Camera

Bezels ko slim kar, screen to body ratio increase karne aur full view display dene ki race mein sabse pehle iPhone-X like notch ki shuruaat hui aur dheere dheere 2018 ke end mein ye waterdrop notch se hote huye punch-hole selfie camera tak pahunch gayi. Front panel par maximum area mein screen dene ke liye company notch, wide notch, waterdrop notch ke baad ab in-display front cameras ki taraf badh rahi hain. Aur lagta hai ki 2019 mein ye ek naya trend banne wala hai.

Aaiye aapko bataate hain ki sabse pehle aap tak top 5 punch-hole selfie cameras ke saath smartphone pahunchaane waali companies kaun si hongi.

Samsung Galaxy A8s

Top 5 smartphones with in-display front camera ki list mein sabse pehle naam Samsung ka hi hai. 10th December 2018 ko world ka first smartphone with puch-hole selfie camera launch hua, jiska naam Galaxy A8s hai. Samsung ne is technology aur front camera ke liye display mein diye gaye hole ko Infinity-O display ka naam diya.

Samsung Galaxy A8s mein 19.5:9 ratio ke saath 6.4 inch ki FHD+ display aur Snapdragon 710 chipset hai. Ismein 24+5 MP ke dual rear cameras aur 24 MP ka selfie camera moujood hai. Is smartphone ke 6GB+128GB version ki cost 2,999 yuan yaani ki lagbhag 30,500 INR hai.

Huawei Nova 4

Samsung ke baad, top 5 smartphones with punch-hole selfie camera ki list mein Huawei ne apni jagah banaayi. Huawei ka Nova 4 bhi isi technology ke saath December 17, 2018 ko launch kiya gaya. Is smartphone mein bhi aapko top left corner mein hi selfie camera diya gaya hai, jo ki 25 MP ka hai. Saath hi iski khaas baat ye hai ki ismein 48 MP ka primary rear camera moujood hai, jo 16 MP secondary snapper aur 2 MP third rear camera ke saath aata hai.

Huawei Nova 4 ke other features mein 6.4 inch ki FHD+ display, Kirin 970 chipset, 8GB+128GB storage aur 3750mAh ki battery di gayi hai. Iski kimat bhi China mein lagbhag 32,000 INR hai.

Honor V20

Honor ka world’s first smartphone with in-display front camera phone bhi December 2018 mein hi announce kiya gaya. Is smartphone ka naam Honor V20 hai, jismein 25 MP front camera aur 48 MP+TOF 3D dual rear cameras fit kiye gaye hain. Ismein bhi 6.4 inch ki FHD+ display ke saath aapko Kirin 980 chipset milta hai.

Honor V20 ke three version announce kiye gaye hain, jinmein 6GB+128GB variant, 8GB+128GB option aur 8GB+256GB variant shaamil hain. Ismein dual 4G VoLTE aur fast charging ke saath 4000mAh ki battery di gayi hai. Is smartphone ko China mein 2999 yuan (approx. 30,500 INR) ke price par launch kiya gaya.

Samsung Galaxy S10 series (Upcoming)

Samsung ki upcoming flagship series mein bhi aapko yahi feature dekhne ko milega. MWC 2019 mein Samsung Galaxy S10, S10 Plus aur S10 E (Lite) launch hone ki ummid hai aur in teenon smartphones mein punch-hole selfie cameras hi diye jayenge. Saath hi ye Samsung ke pehle smartphones honge jinmein aapko in-display fingerprint scanner bhi dekhne ko milega. Halaanki is series ke cheapest version S10 Lite mein side-mounted fingerprint sensor hi diya jayega.

Nokia 6.2 and Nokia 8.1 Plus (Upcoming)

Nokia 6.1 aur Nokia 8.1 ke successors ki bhi charcha market mein shuru ho chuki hai. Ye dono hi smartphones in-display front camera ke saath launch ho sakte hain. Haal hi mein 91 mobiles ke through Nokia 8.1 Plus ki images bhi leak hui hain, jismein left corner mein puch-hole selfie camera dekha jaa sakta hai.

Maana jaa raha hai ki Nokia 8.1 Plus mein, 6.22 inch ki FHD+ display aane ki ummid hai. Jabki Nokia 6.2 mein 6.2 inch ki display, Snapdragon 632 chipset, dual 16 MP ke rear cameras aa sakte hain. Expected hai ki ye phone pehle China mein January end ya February mein launch ho.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: