Top 5 Smartphones With Face Unlock Feature Under 15,000 INR

Dual cameras aur rear mounted fingerprint scanner ke baad, affordable segment mein agar aur koi feature trendy hai, to wo hai face unlock. Rear mounted fingerprint ke saath, ab consumers face unlock feature ke saath aane waale smartphones ko kharidna pasand karte hain.

Affordable range (under 15,000 INR) mein face unlock feature ke saath aane waale smartphones ki list humne aapke liye yahaan sort ki hai. Neeche diye gaye sabhi smartphones is samay India mein face unlock feature ke saath available hai.

Honor 9N

Honor 9N kuch months pehle hi India mein launch hua hai. Iske front par 16 MP ka selfie camera hai aur saath hi smart face unlock feature bhi hai. Iska base version jo 3GB RAM aur 32GB storage ke saath aata hai, 11,999 INR mein available hai. Jabki 4GB+64GB version ka price 13,999 INR aur 4GB+128GB variant ko aap 17,999 INR ki cost mein kharid sakte hain.

Honor 9N mein 5.84 inch ki FHD+ display, 13+2 dual rear cameras, Kirin 659 chipset, rear mounted fingerprint sensor, hybrid dual SIM slot aur 3000mAh ki battery hai.

Realme 2 Pro

September 2018 mein launch hua Realme 2 Pro bhi face unlock ke saath hi aata hai, jo ki kaafi behtar kaam karta hai. Waterdrop notch ke saath aane waale is smartphone mein rear mounted fingerprint sensor, full HD+ display, dual SIM slot, 16+2 MP ke dual rear cameras, 16 MP frontal sensor aur 3500mAh ki battery hai.

Realme 2 Pro ka 4GB+64GB variant 13,990 INR mein available hai, 6GB+64GB option ki cost 15,990 INR hai aur 6GB+128GB ko aap 17,990 INR ki kimat par kharid sakte hain.

Achi baat ye bhi hai ki, Realme ne haal hi mein Realme 2 aur Realme C1 ka price increase kiya hai, lekin Realme 2 Pro ka price increase nahin hua hai.

Honor 8X

12nm Kirin 710 chipset ke saath aane waala Honor 8X, last month hi India mein aaya hai. Honor 8X mein 16 MP ka front camera, face unlock feature aur f/2.0 aperture ke saath aayega. Iska 4GB+64GB version 14,999 INR mein available hai. Iske alawa 6GB+128GB variant 16,999 INR mein aayega.

Iske specs ki taraf nazar daalein to ismein, 6.5 inch full HD+ display, 20+2 MP dual rear cameras, fingerprint sensor, dual SIM slot aur 3750mAh ki battery hai.

Redmi 6 Pro

Xiaomi Redmi 6 Pro India mein September 2018 mein launch hua. Is smartphone mein 5 MP ka front camera hai, jo ki AI face unlock ke saath aata hai aur kaafi responsive bhi hai. Is smartphone ki starting price 10,999 INR hai, jo ki 3GB+32GB version ka hai aur 4GB+64GB option ki cost 12,999 INR hai.

Redmi 6 Pro mein full HD+ display, Snapdragon 625 SoC, Android 8.1 Oreo OS+ MIUI 9, 12+5 MP dual rear cameras, 4000mAh battery aur rear mounted fingerprint sensor bhi hai.

Vivo V9 Youth

Vivo V9 ka cheaper version Vivo V9 Youth bhi face unlock feature ke saath aata hai. Is smartphone ke 4GB+32GB version ki launch price 18,990 INR thi, lekin is samay ye 15,994 INR ki price par Chroma stores aur Chroma.com website par available hai.

Ismein notch ke saath 6.3 inch ki FHD+ display, Snapdragon 450 processor, 16+2 MP dual rear cameras aur 16 MP ka front camera hai. Wahin battery capacity 3260mAh hai aur dual SIM support bhi mil jaata hai. Lekin face unlock ke maamle mein ye handset kaafi fast hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: