Top 5 Smartphones With 5000mAh Big Battery In India Around 15,000 INR

Smartphones ki range ko dekhein to, India mein sabse jyada budget ya entry-level smartphones bikte hain. 15,000 INR ki range mein smartphone  kharidne waalon ki ginti, India mein bahut jyada hai. Is range mein log average performance ke saath smartphone kharidte hain, lekin wahin logon ki pasand hoti hai, smartphone with bigger batteries.

Is range mein lagbhag sabhi companies aapko average performance dene waala chipset to deti hi hain, lekin kitne phones aise hain, jinmein biggest batteries milti hain.

Filhaal India mein ye top 5 smartphones hain, jo aapko 15,000 INR ki range mein 5,000mAh ki battery dete hain, jo single charge mein lagbhag 2 din ka battery backup aaram se deti hain.

ASUS Zenfone Max Pro M1

Zenfone Max Pro M1 mein 5,000mAh ki battery milti hai. Iske alawa ismein aapko 5.99 inch ki full HD+ display, Octa Core Snapdragon 636 processor bhi milta hai. Is handset mein dual camera support bhi hai, jismein main camera 13 MP ka hai aur secondary camera aapko 5 MP resolution ke saath diya gaya hai. Achhi baat ye hai ki ismein fast charging support bhi hai. 4GB RAM aur 64GB internal memory ke saath Zenfone Max Pro M1 aapko Flipkart par 14,999 INR ke price par mil sakta hai.

Iske alawa iska 3GB+32GB version bhi 10,999 INR ke price par available hai.

Motorola One Power

Motorola ka haal hi mein aaya Android One smartphone, One Power bhi is list mein shaamil hai. Is smartphone ki kimat 15,999 INR hai aur ismein bhi 5,000 mAh battery di gayi hai. Iske other features mein 6.2 inch ki full HD+ display, 16+5 MP ka dual rear camera setup, 12 MP ka selfie camera, 4GB RAM, 64GB ROM aur Octa Core Qualcomm Snapdragon 636 processor shaamil hai.

Is samay ye handset Flipkart par available hai.

Xiaomi Mi Max 2

Xiaomi ka Mi Max 2 bhi big battery capacity ke saath Flipkart par available hai. Is smartphone mein bhi 6.44 inch ki full HD display hai aur ye Octa Core Qualcomm Snapdragon 625 chipset par chalta hai. Ismein aapko 12 MP ka single rear camera aur 5 MP ka frontal sensor diya gaya hai.

Mi Max 2 mein 5300mAh ki battery hai aur ye 4GB RAM aur 64GB storage ke saath 15,999 INR ke price par available hai.

Gionee M7 Power

Gionee M7 Power bhi 10,999 INR ke price mein ek achha handset hai. Ismein aapko 5000mAh ki battery ke saath saath 6 inch ki HD+ display, Snapdragon MSM8940 processor, 4GB RAM aur 64GB inbuilt memoru jaise features milte hain.

Saath hi ismein 13 MP ka rear aur 8 MP ka front camera hai. Gionee M7 Power mein Black, Blue aur Gold colors available hain. Ise bhi aap Flipkart se kharid sakte hain.

Honor 8X Max

Honor 8X Max India mein abhi tak launch nahin hua hai, lekin is month mein is smartphone ka India launch expected hai. 8x Max 5000mAh ki battery ke saath aayega. Saath hi ismein 7.12 inch ki display, waterdrop notch ke saath di gayi hai. Ismein bhi 1.8 GHz ka Octa Core Snapdragon 636 processor aayega aur 4GB RAM ke saath 64GB ki internal memory hai.

Yahaan bhi apko 16+2 MP ka dual rear camera aur 8 MP ka front facing camera milega. Iski expected launch date November 21, 2018 hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: