Top 5 Smartphones Coming To India In May 2019

April ka month Realme aur Redmi ke budget smartphones ke launches mein busy raha, lekin is month mein aur bhi exciting smartphones India mein enter hone waale hain. Jahaan ek taraf OnePlus 7 Pro jaise flagship devices humein nazar aayenge, wahin Galaxy M40 aur Mi A3 jaise affordable smartphones ko bhi May 2019 mein hi expect kiya jaa raha hai. Aaiye aapko bataate hain ki May 2019 mein kaun se smartphones announce hone jaa rahe hain.

OnePlus 7 & OnePlus 7 Pro

OnePlus 7 & 7 Pro ki news se market is samay bhara pada hai. Jahaan OnePlus 7 mein dual rear cameras honge, wahin OnePlus 7 Pro mein is baar company triple rear sensors dene waali hai. Saath hi is smartphone ke design aur pop-up selfie camera ko lekar bhi log kaafi excited hain. OnePlus 7 Pro mein jo exciting features abhi tak saamne aaye hain, unmein Snapdragon 855 chipset, 2K display, Warp Charge Technology shaamil hai. Saath hi aaj is smartphone ko lekar ek press render bhi saamne aaya hai, jismein pehli baar koi OnePlus phone Blue color mein nazar aa raha hai, is image ko aap upar dekh sakte hain.

Samsung Galaxy A80

48MP rotating camera ke saath announce hua Galaxy A80 bhi, May 2019 mein India mein dastak de sakta hai. Ye Snapdragon 730G chipset ke saath aane waala first smartphone hai. Samsung is smartphone ko mid-May mein launch kar sakta hai, jismein slider mechanism ke saath rotating camera hai. Yaani ki Galaxy A80 mein aap 48 MP camera se selfies ke sakenge. Bataaya jaa raha hai ki ise around 45,000 INR ke price tag ke saath launch kiya jayega.

Galaxy A80 mein aapko 6.7 inch ki FHD+ Super AMOLED Infinity display, Snapdrago 730G processor, 48+8+ToF triple cameras, aur 3700mAh ki battery 25W fast charging support ke saath milti hai.

Realme X

Realme 3 Pro mein Snapdrgaon 710 chipset ke saath surprise karne ke baad, company apne next smartphone Realme X ko tease kar rahi hai. Is smartphone mein Snapdragon 730 processor hoga aur saath hi ismein pop-up selfie camera aur in-display fingerprint scanner jaise trendy features bhi nazar aayenge.  Is smartphone mein 6.5 inch ki full HD+ display, 3680mAh ki battery, VOOC fast charging support aur Sony IMX586 sensor ke saath 48MP ka camera shaamil hoga.

Acchi baat ye hai ki khud company CEO ne aaj hi ye confirm kiya hai ki jaldi hi (possibly May mein hi) Realme X India mein bhi launch kiya jayega. Maana jaa raha hai ki iski kimat 15K se 20K ke beech hogi.

Google Pixel 3a & 3a XL

Pixel 3a and 3a XL bhi notchless display ke saath hi India mein aane waale hain, Flipkart par in smartphones ke pages bhi live hain. 8th May ko India mein launch hone waale ye smartphones Snapdragon 670 aur Snapdrgaon 710 chipsets ke saath announce ho sakte hain. Maana jaa raha hai ki design wise smartphones mein Pixel 3 aur 3 XL ke mukaable jyadafark nahin hai, lekin aapko yahaan par camera performance bahut amazing milti hai. In smartphones mein 5.6 inch aur 6 inch ki full HD+ display mil sakti hai.

Google Pixe 3a ki expected price 28,000 INR aur 3a XL ki expected price 34,000 INR bataayi jaa rahi hai.

Xiaomi Mi A3

Xiaomi ki taraf se bhi, Realme X ko takkar dene ke liye, Snapdragon 730 chipset ke saath ek phone launch kiya jaane waala hai. Is smartphone ke baare mein khud Manu Kumar Jain ne tweet karke hint diya hai. Maana jaa raha hai ki is smartphone ka naam Mi A3 hoga, lekin company ne ye naam confirm nahin kiya hai.

Is smartphone mein bhi humein full HD+ display, Corning Gorilla Glass protection, 8GB tak ki RAM, 128GB tak ki storage aur in-display fingerprint scanner mil sakta hai. Ye ek stock Android smartphone ho sakta hai, halaanki iske price ka abhi koi idea nahin hai.

ASUS Zenfone 6 

ASUS apne naye Zenfone 6 aur Zenfone 6Z ke global launch ke invite sent kar chuka hai aur 16 May ko ye smartphones Spain mein launch hone waale hain. Iske baad in dono hi smartphones ki entry, India mein bhi ho sakti hai. Release huye invite mein company ne notchless display tease ki hai, to aapko yahaan par pop-up selfie camera ya slider mechanism bhi mil sakta hai. Zenfone 5Z ke successor mein Snapdragon 855 chipset expect kiya jaa raha hai.

OnePlus 7 & 7 Pro ke mukaable, ye ke affordable flagship smartphone ban sakta hai. Is smartphone ki complete details humein 16 May, raat 8 pm par hone waale global launch ke samay hi pata chal sakengi.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: