Top 5 Pop-Up Selfie Camera Smartphone Available In The Indian Market And Upcoming Pop-Up selfie Camera Smartphones

Trend kisi bhi cheej ka ho woh bahut jyada samay tak nahi rah sakta hai. Abhi tak humne smartphone mein notch display ka trend dekha lekin ab users full view display dekhna pasand karte hain. Iske liye jaruri hai ki phone mein less bezels aur display mein notch na ho. Lekin agar notch ko remove kar diya jaayega to fir uske peeche fitted camera kahan place kiya jaaye, yeh bhi ek bada question ban jaata hai.

Iska answers hai, Pop-up camera mein ya fir sliding mechanism wale camera mein. Ji ha ! iss samay pop-up selfie camera ka trend shuru ho chuka hai. Issi ki help se aapka favorite selfie camera kahin jaata bhi nahi hai aur aapko full view notch less display bhi mil jaati hai. Haalnki abhi tak Indian market mein Pop-up ya sliding selfie camera ke jyada option available nahi hain lekin humare dwara sort ki iss list mein se aap apna favorite pop-up camera wala smartphone choose kar sakte hain.

 

1. Vivo V15 Pro & Vivo V15

 

Inn dono hi phone ko company ne iss saal ke shuraaat mein hi launch kiya tha. Inn dono hi smartphone mein aapko pop-up selfie camera milta hai jo ki 32MP ka diya gaya hai. Iske saath hi Vivo V15 Pro aur Vivo V15 mein triple rear camera diya gaya hai jo ki 12MP+8MP+5MP ka milta hai. Iske alawa Vivo V15 Pro aur Vivo V15 mein chipset ka difference hai. Vivo V15 Pro mein Qualcomm Snapdragon 675 AIE chipset milti hai wahin Vivo V15 mein aapko MediaTek Helio P70 chipset diya gaya hai. Vivo V15 Pro ke 6GB/128GB variant ki current market price Rs 28,990 hai wahin Vivo V15 ka 6GB/64GB variant iss samay aapko Rs 21,990 mein mil jaayega.

 

2. Oppo F11 Pro

 

Yeh phone aapko 16MP ka pop-up selfie camera offer karta hai. Saath hi ismein 48MP+5MP ka dual rear camera milta hai. Phone ko power dene ke liye 4000mAh ki battery di gayi jo ki VOOC charger ke saath aati hai. Iss phone mein bhi aapko MediaTek Helio P70 Processor milta hai. Iske alawa iss phone mein 6.5 inch ki FHD+ display bhi aapko dekhne ko milti hai.

 

3. Oppo Find X

Yeh phone 6.4 inch ki full HD+ display ke saath aata hai jismein sliding mechanism ke saath front facing camera diya gaya hai. Yeh sliding mechanism camera 25MP lens ke saath aata hai. Saath hi aapko ismein 16MP+20MP ka rear dual camera set up mil jaata hai. Phone mein Qualcomm Snapdragon 845 chipset ko use kiya gaya hai. Iske alawa iss phone 3730mAh ki battery milti hai jiske liye company ka kahna hai ki yeh battery 1.5 day ka battery life aapko provide karegi. Iss phone ko aap Flipkart se Rs 58,990 ki price par khareed sakte hain.

4. Samsung Galaxy A80

Well, iss phone ki India mein entry hona abhi baaki hai. Yeh phone next month May 2019 mein India mein launch kiya jaa sakta hai. Haalanki yeh bataya gaya hai ki iss phone ki Indian market mein price Rs 45,000 se Rs 50,000 tak rakhi jaa sakti hai. Iss phone mein aapko sliding ya pop up ki jagah rotating camera milta hai. Selfie lete samay yeh poora camera module front ki taraf rotate ho jaata hai. Triple rear camera setup mein 48MP+8MP+3D TOF camera milta hai. Iske alawa ismein Qualcomm ke dwara latest launch kiya gaya Snapdragon 730G processor use kiya gaya hai.

5. OnePlus 7

OnePlus ka most awaited smartphone OnePlus 7 bhi pop-up selfie camera ke saath launch kiya jaayega. Company ne aaj hi iss smartphone ka teaser video release kiya hai.  Iss phone ko company 14thy May 2019 ko launch karegi.

 

 

Inn sab ke alawa Vivo Nex bhi aapke liye ek acha option hai. Iss phone se hi pop-up selfie camera ka trend shuru hua tha. Yeh phone iss samay aapko online market mein Rs 39,990 ki price mein mil jaayega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: