Top 5 Gaming Smartphones Under 25,000 INR in 2021

Markets is samay smartphones se bhari padi hain aur in dinon smartphones bhi aur jyada smart ho gaye hain. Inse aap calls, messages, pictures click karne ke alawa bhi kaafi kuch kar sakte hain. Mid-range segment ke phones mein bhi ab achhe chipsets, software aur display available hain. Sabhi smartphone companies customers ke choices ke according specific features ke saath phones launch kar rahi hain. Aise mein mid-range price mein companies ne kayi gaming smartphones bhi launch kiye hain jin par aaj hum charcha karne waale hain. Agar aap bhi ek gamer hain aur power-packed phone talaash rahe hain to ye article aap hi ke liye hai. Neeche diye gaye sabhi phones mid-range price mein acche gaming phones hain jinhein aap choose kar sakte hain.

iQOO Z3

iQOO Z3 ko isi month India mein launch kiya gaya hai. Is phone mein three storage variants saamne aaye hain aur sabhi ki kimat 25K se neeche hi hai. Iske alawa ismein five-layer liquid cooling system aur extended RAM feature moujood hain jo ek gaming phone ke liye plus point hai.

iQoo Z3 mein 4400mAh battery ke saath 55W fast charging support, 6.58 inch full HD+ 120Hz LCD display, 2.8GHz Octa Core Snapdragon 768G chipset, 6GB / 8GB RAM options jinhein extended RAM feature ke saath aap 11GB RAM take use kar sakte hain diye gaye hain. Saath hi UFS 2.2 storage, 64MP triple rear cameras jaise feature moujood hain.

Ye phone iQoo.com aur Amazon par available hai.

  • 6GB + 128GB storage model – 19,990 INR
  • 8GB + 128GB storage model – 20,990 INR
  • 8GB + 256GB storage model – 22,990 INR

Poco X3 Pro

Poco X3 Pro is price range mein best gaming smartphone hai jismein Snapdragon 860 chipset hai, jo ki Snapdragon 855 ka hi changed version kaha jaa sakta hai. Iske alawa ismein full HD+ 120Hz display hai, UFS 3.1 storage phone ki performance ko aur improve karta hai. Saath hi quad rear cameras, 5160mAh battery, 33W fast charging support bhi hai.

  • 6GB RAM + 128GB storage – 18,999 INR
  • 8GB RAM + 128GB storage – 20,999 INR

Redmi Note 10 Pro Max

Redmi Note 10 Pro Max mein 6.67 inch ki full HD+ Super AMOLED display 120Hz refresh rate ke saath fit ki gayi hai. Saath hi ismein aapko Snapdragon 732G chipset milta hai, jiski performance gaming ke according achhi hai. Iske alawa phone mein 108MP quad rear cameras, 16MP front camera aur 5020mAh battery ke saath 33W fast charging support bhi diya gaya hai. HArdware ke saath is phone mein display aur camera bhi kaafi achha hai. Flipkart par available hai.

  • 6GB RAM + 64GB storage – 18,999 INR
  • 6GB RAM + 128GB storage – 21,498 INR
  • 8GB RAM + 128GB storage – 23, 158 INR

Realme X7 5G

Realme X7 5G India mein February mein launch hua. Is phone mein Dimensity 800U chipset hai. Phone ka price bhi specs ke according achha hai aur saath hi gaming ke liye bhi ye ek choice ho sakta hai. Other specifications mein 6.43 inch full HD+ AMOLED display, 6GB / 8GB RAM, 128GB UFS 2.1 storage, triple rear cameras, 16MP front camera, UFS 2.1 storage, 50W fast charging support bhi shaamil hain. Ye Flipkart aur realme.com par available hai.

  • 6GB RAM + 128GB storage – 17,999 INR
  • 8GB RAM + 128GB storage – 19,999 INR

Mi 11 Lite

Mi 11 Lite India mein kal hi launch hua hai. Ismein Snapdragon 732G chipset ke saath Liquid cooling system bhi moujood hai. Saath hi phone mein full HD+ AMOLED Dotdisplay di gayi hai aur ye 90Hz refresh rate aur Corning Gorilla Glass 5 protection ke saath aayegi. Iske alawa ismein UFS 2.2 storage, triple rear cameras, 16MP front camera, 33w fast charging support milta hai. Iske aap Flipkart se purchase kar sakte hain.

  • 6GB RAM + 128GB storage – 21,999 INR
  • 8GB RAM + 128GB storage – 23,999 INR
Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: