Top 5 Gaming Smartphones Under 20,000 INR

PUBG ki popularity kis tarah increase ho rahi hai, ye to aap aur hum jaante hi hain. Saath hi Asphalt 8, 9, Calls of Duty Legends jaise games bhi logon ko kaafi pasand aa rahe hain. Logon ke beech games ki popularity badhte dekh aur gamers ke number increase hote dekh, smartphone manufacturers ne games ke liye hi dedicated gaming smartphones bhi manufacture karne shuru kar diye hain, jinmein last year launch huye ASUS ka ROG Phone aur Xiaomi ka Black Shark bhi shaamil hain.

Halaanki jin smartphones ka naam humne upar mention kiya hai, ye thode costly hain, lekin 20K ki price range mein bhi aise kayi smartphone hai, jo aapko amazing gaming experience de sakte hain. Company ne inmein powerful chipsets, better interface aur good quality display ke saath, budget range mein smartphone kharidne waalon ke gaming experience ko improve karne ki koshish ki hai.

Neeche di gayi list mein apne budget ke according aap koi bhi smartphone chun sakte hain, jo aapko achha gaming experience offer karega.

Redmi Note 7 Pro

Sabse pehle hum yahaan haal hi mein launch huye Redmi Note 7 Pro ki baat karte hain. Is smartphone mein kewal achha camera hi nahin, balki powerful Snapdragon 675 chipset hai, jo aapko kaafi acchi aur smooth performance deta hai. Saath hi ismein 4GB aur 6GB ke RAM options bhi available hain. Humne experience karke dekha hai, is smartphone ki gaming performance kaafi achhi hai. Saath hi full HD+ display, 4000mAh ki battery, Quick Charge 4.0 fast charging support, is smartphone ke other power packed features hain. Is smartphone ki starting price 13,999 INR hai.

Samsung Galaxy A50

Haal hi mein Samsung ki A-series mein launch hua Galaxy A50 bhi kaafi achha handset hai, saath hi comparre karein to Snapdragon 660 se better result A50 ke Exynos 9610 ka hai. Ismein aapko 4GB / 6GB RAM options milte hain. Saath hi triple card slots hain, in-display fingerprint senor hai aur Super AMOLED display hai. Lekin mainly agar hum iski gaming performance ki baat karein to, heavy games play karne par bhi humein ismein kisi bhi tarah ka issue nahin dikhta hai. Saath hi company ne yahaan Android 9.0 Pie OS ke saath flagship interface One UI offer kiya hai. Is smartphone ke lower version ka price 19,990 INR hai.

Realme 3

Realme 3 bhi ek achha handset hai, jise aap 10K ke budget mein best gaming smartphone kaeh sakte hain. Yahaan hum ye isliye keh rahe hain, kyunki MediaTek Helio P70 chipset ke saath company ne ise 8,999 INR ki starting price par launch kiya hai. MediaTek P70 yahaan par aapko achhi CPU aur GPU performance deliver karta hai aur multitasking & games ko bhi ye phone easily handle karta hai. Ismein koi lags abhi tak nazar nahin aaye hain, saath hi koi heating issue bhi nahin hai.

Agar aapka budget 10K hai, to aap gaming ke liye Realme 3 ko choose kar sakte hain.

ASUS Zenfone Max Pro M2

Last year December mein launch hua ASUS ka Zenfone Max Pro M2 bhi ek achha handset hai. Ismein aapko Snapdragon 660 milta hai, jiski performance aap kayi smartphones mein dekh hi chuke honge. Iske alawa ye handset pure stock Android par chalta hai. Saath hi ismein aapko 5000mAh ki battery, full HD+ display jaise other features bhi milte hain. Is smartphone ke base variant ka price 11,999 INR hai, lekin is samay Flipkart ki OMG Days sale mein ye 9,999 INR mein available hai.

Poco F1

Xiaomi ka last year launch hua Poco F1 is price range mein best handset hai, kyunki yahaan par aapko Snapdragon 845 chipset milta hai. Is smartphone ki body polycarbonate hain, lekin notch display, full HD+ resolution ke saath di gayi hai, 400mAh battery hai, 20 MP front camera hai. Ye ek flagship chipset hai, jiske saath mein Adreno 630 GPU diya gaya hai. Yahaan par aapko koi bhi game easily and smoothly enjoy kar sakte hain. Is smartphone mein three storage options hain, jinki starting price 19,990 INR hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: