Top 5 Fitness Smart Band Under 3K Available In Indian Market

Hum apni daily life mein food se le kar fashion apparel tak har choti cheej ka khayaal rakhte hain. Lekin inn sabhi ke beech apni health ko monitor karna miss kar dete hain. Thanks to these fitness bands, jo health monitoring ko itna simple kar dete hain. Aaj hum aapke liye aise hi kuch fitness bands ko le kar aaye hain jo ki aapki daily life mein hone wali activity ko track karte hain.

 

Iss list mein humne low to high range mein unn sabhi fitness bands ko cover kiya hai jo 3K ki range mein aate hain. Yeh sabhi fitness tacker band online market mein easily available hain.

 

1.SF Rush By Titan 

Lowest price tag ke saath aane wala yeh fitness band sirf Rs 999 mein online market mein available hai. Ise aap Flipkart ya TatacliQ ki website se ya fir Titan ke store se purchase kar sakte hain. Iss fitness band mein OLED display di gayi hai jo ki sun light mein bhi easily visible hoti hai. Iss smart band mein aapko sleep monitor, step count, alarm jaise features mil jaate hain.

 

2. Lenovo HX06 

Lenovo ke iss fitness band mein aapko ek khaas feature milta hai, anti sleep mode ka. Agar aap night drive ya fir long drive kar rahe hain to iss band mein diya hua anti sleep vibrating mode driving ke time aapko focus rakhne mein help karta hai. Iss band ko charge karne ke liye aapko kisi bhi cable ki jarurat nahi padti hai, aap ise direct USB mein plug kar charge kar sakte hain. Iske alawa iss fitness band mein sleep monitor, sedentary monitor, call notification jaise features milte hain. Flipkart par yeh fitness band Rs 1,200 mein available hai.

 

3. Mi Band 3  

0.78 inch ki OLED touch screen ke saath aane wala yeh fitness band kaafi attractive color straps mein aata hai. Ismein aapko 20 days ki battery life milti hai. Iss fitness band mein call rejection, daily step count, sleep monitor, heart rate monitor, phone locator, app notifications,vibrating alarm jaise 20 features milte hain. Ise charge karne ke liye aapko ise strap se separate karna padta hai. Mi Band 3 ko aap Mi.com ki official website se Rs 1,999 mein khareed sakte hain.

 

 

 4. Honor Band 3

 

Honor band 3 mein aapko kaafi colorful straps ke option mil jaate hain. Iss band mein 30 days ki battery life milti hai. Yeh fitness band heart rate monitor, run time, steps count, sleep monitor jaise features ke saath aata hai saath hi yeh 50 meter tak water resistance bhi hai. Huawei Wear App ke through aap iss band ko apne smartphone ke GPS ke saath bhi connect kar sakte hain. Yeh band aapko Rs 1,999 ki price mein Flipkart par mil jaata hai.

 

5. Honor Band 4 

Honor ne iss band ko kuch time pehle hi launch kiya hai. Yeh fitness band  0.95 inch ki AMOLED touch display ke sath aata hai. Yeh band aapke smartphone mein aane wale notifications ko show karta hai jismein weather report, caller ID, sms, e-mail, calendar aur social apps notifications include hain. Iske alawa swimming ke liye swim posture recognition bhi milta hai jo ki 6 alag alag swimming posture ko analyse kar sakta hai. Yeh ek perfect workout fitness band hai jo indoor aur outdoor activity ko track kar sakta hai. Iss smart band ki price Rs 2,599 hai.

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: