Top 5 Portable Speakers in Affordable Price – Music Ke Saath Manaayein Festival Ka Jashn

No matter aapke ghar mein kitne bhi bhadiya home theater ho, lekin wo har safar ke saathi to nahin. Aur agar safar mein music na ho, to mazaa aayega hi nahin. Isiliye ek portable speaker sabhi ki zaroorat hai. No doubt, portable Bluetooth speaker easy to carry hote hai, lekin kuch Bluetooth speaker itne compact hote ki aap unke size ko dekh kar unki quality ka andaza nahi laga sakte.

Humne aapke liye kuch aise hi quality bluetooth speakers ko sort list kiya hai, jo compact hone ke sath sath bhadiya aur heavy sound output dete hain. To yaha dekhiye inn top 5 bluetooth speakers ki list ko.

1 . Sa Re Ga Ma Carvaan

 

5000 Old songs ke sath pre-loaded aane wala yeh radio cum Bluetooth speaker ek bhadiya audio music device hai. Jismein aapko FM radio, Bluetooth, USB connectivity, ka option milta hai. Kishore kumar, Lata Mangeskar, Mohammad Rafi jese singers ke gaano se loaded yeh Sa Re Ga Ma Carvaan ko badi hi aasaani se kahi bhi carry kar sakte hai. Indian market mein yeh device aapko Rs 5,880 ki mil jaaegi.

2. Amazon Echo

Amazon Echo wese to voice operated device hai lekin ismein aapko bluetooth ka option bhi milta hai. Apne smartphone ki help se aap iss device ko Bluetooth ke through bhi connect kar sakte hain, aur kabhi bhi music play kar sakte hain. Iss speaker ki khaas baat yeh hai ki 360 degree equal audio deliver karta hai. Amazon ki website par yeh device aapko Rs 6,999 mein available hai.

3. JBL flip 4

Best audio device mein JBL ka naam na ho to list complete nahi ho sakti. Yun to JBL speakers mein aapko kaafi models milenge, lekin humne aapke liye select kiya best quality ke sath budget friendly speaker . JBL Flip 4 ek rigid body frame ke sath aata hai jo ki ek waterproof speaker hai. Iss speaker mein aapko bhadiya bass outout sunne ko milta hai. Rigid body design ke sath sath yeh speaker kaafi colors option mein bhi available hai jaha aapko white, blue, magenta, grey aur camouflage color ke option milte hain. Ek Baar full charge karne par yeh speaker 12 hours ka music playback time deta hai. Iss waterproof speaker ki price Rs 7,181 hai.

4. Sony SRS XB30/LC-IN5

Quality audio provide karne wala premium brand Sony ki taraf se yeh speaker badi battery ke sath aata hai jo ki 24 hours ka music playback time deta hain. Ji Ha iss speaker ke sath aap poore din music play kar sakte hain sirf ek baar full charge karne par. Attractive design ke sath aane wala yeh speaker dekhne mein bahot hi cool look deta hai. Sony SRS XB30/LC-IN5 speaker ki market price Rs 8,499 hai.

5. Bose Soundlink Micro

Iss speaker ke size mat jaaiye, compact look mein dikhne wala yeh Bose speaker sirf dikhne mein chota nazar aata hai, lekin bahot hi strong aur heavy sound deliver karta hai. Size mein compact hone ki wajah se aap isse hiking, trekking, ya kahi bhi travelling ke samay carry kar sakte hain. Yeh speaker poori tarah se water resistant hain. Bose Soundlink Micro speaker aapko Rs 8,999 mein mil jaaega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: