Top 5 Best Budget Laptops For Colleges And School Students, Available In Indian Market

Agar aap iss blog ko apne smartphone ke alawa kahin aur read kar rahe hain to ya to wah desktop ho sakta hai ya fir laptop ya fir ek tablet. Desktop ko hum easily har jagah carry nahi kar sakte hain aur ek tablet mein humare sabhi kaam nahi ho sakte hain. Lekin laptop inn dono ke beech ek aisa option hai jise hum easily carry bhi kar sakte hain aur humare lagbhag sabhi kaam uss par kar bhi sakte hain.

 

Lekin agar aap ek student hain ya fir initial earner hain jo apne laptop ko purchase karne ke liye jyada investment nahi karna chahte hain lekin saath hi aap performance ke saath bhi compromise nahi kar sakte hain to aaj hum aapke liye kuch aise laptops ki list le kar aaye hain jinhe aap afford bhi kar sakte hain saath hi yeh behtar performance bhi deliver karte hain. Yahaan list kiye gaye sabhi budget laptops ko aap online Flipkart aur Amazon se purchase kar sakte hain.

 

1. HP 14Q (CS0009TU)

HP 14Q yeh laptop aapke budget mein bilkul fit ho sakta hai. Iss laptop mein aapko 14 inch ki HD display di gayi hai jismein intel 620 HD graphics ka use kiya gaya hai. Iss laptop mein core i3-7020U processor diya gaya hai jo ki ek 7th generation processor hai. Iss laptop mein 4GB DDR3 RAM aur storage ke liye 1TB hard drive ka option milta hai. Iss laptop mein aapko DOS operating sytem milta hai. Agar aap kuch paise aur spend kar sakte hain to aap iss laptop ka Windows variants bhi purchase kar sakte hain jiska model number HP 14Q-cs0006TU hai. Yeh laptop CD-drive ke alawa 1 USB 2.0 port, 2 USB 3.0 port, 1 HDMI port aur 1 audio output port offer Karta hai. 

Price : Rs 26,990 

Click here to buy 

 

2. ASUS X507A (EJ314T)

Asus X507A mein aapko 1TB hard drive milti hai saath hi iss laptop mein 4GB DDR4 RAM di gayi hai. Baat karein iske processor ki to ismein Core i3 7th generation processor diya gaya hai. Yeh laptop 15.6 inch ki full HD screen ke saath aata hai. Saath hi ismein aapko Windows 10 operating system milta hai. Asus ne iss laptop mein IceCool technology ka use kiya hai jo ki smart fan ki help se system ko cool rakhne mein help karti hai jis se user ko comfortable aur better experience milta hai. Iss laptop mein aapko touch pad ke saath hi finger print sensor milta hai. Data input aur output ke liye iss laptop mein 2 USB 2.0 ports, 1 USB 3.0 port, 1 HDMI port, 1 audio out put aur 1 microphone input port diya gaya hai.

Price : Rs 27,790

Click here to buy

 

3. Acer Aspire 3 

Yeh laptop 30K se thodi upar ki range mein aata hai lekin aapko iss laptop mein Core i3 8th generation processor bhi milta hai. Saath hi iss laptop mein aapko 15.6 inch full HD LED backlit TFT display bhi dekhne ko milti hai. Company ki taraf se iss laptop mein pre-install genuine 64 bit Windows 10 operating system diya gaya hai. Storage ke liye iss laptop mein aapko 1TB hard drive di gayi hai saath hi 4GB DDR4 RAM bhi ismein di gayi hai. Graphics ke liye ismein intel integrated UHD 620 graphic processor diya gaya hai. Ismein 1 Ethernet port, 2 USB 2.0 ports, 1 USB 3.0 port, 1 HDMI port aur SD card reader slot bhi milta hai.

Price : Rs 31,990

Click here to buy 

 

4. Dell Inspiron 3567 

 

Dell Inspiron company ki taraf se aane wali ek commercial series laptop mein se ek hai jinhe kaafi long time aur rough and tough use kiye purchase kiya jaata hai. Agar aap traveling ke time par apne laptop ko carry karte hain to yeh aapke liye ek behtar option hai. Iss laptop mein aapko MS Office ke saath genuine windows 10 Home pre-install milti hai. 15.6 inch ki Full HD Anti-Glare LED-Backlit Display aapko ismein di gayi hai. Yeh laptop Core i3 7th generation chipset ke saath aata hai jismein 1TB storage ki hard drive aur 4GB DDR3 RAM di gayi hai. Iske alawa ismein  2 USB 3.1, 1 USB 2.0  aur 1 HDMI port diya gaya hai. Yeh laptop full size qwerty keyboard ke saath aata hai.

Price : Rs 29,990 

Click here to buy   

 

5. Dell Vostro 3568 

Yeh laptop 15.6 inch ki HD TFT display ke saath aata hjai jismein Core i3 6th generation CPU ka use kiya gaya hai. Iss laptop mein bhi aapko 1TB storage ki hard drive milti hai saath hi 4GB RAM bhi aapko iss laptop mein di gayi hai. Yeh laptop bhi pre-installed genuine Windows 10 operating system ke saath aata hai. Iss laptop mein aapko USB 2.0 ka 1 port, USB 3.0 ke 2 ports, 1 HDMI port aur 1 Ethernet port milta hai.

Price : Rs 30,990 

Click here to buy  

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: