Top 5 Alternative Smartphones Of Xiaomi Redmi Note 6 Pro

Xiaomi ne aaj India mein Redmi Note 6 Pro ko launch kiya hai. Is smartphone ke two versions aaye hain, jinmein 4GB RAM variant ki cost 13,999 INR hai, jabki 6GB RAM version ko aap 15,999 INR mein purchase kar sakte hain. Lekin is smartphone mein Redmi Note 5 Pro ke mukaable kuch khaas changes nahin dikh rahe hain.

Yahaan par Redmi Note 5 Pro mein diya gaya, Snapdragon 636 chipset hi aapko milta hai. Design mein bhi koi khaas improvements nahin hain. Halaanki ek notch aur dual selfie cameras zaroor add kiye gaye hain.

Lekin kahin na kahin , is price range mein logon ko Redmi Note 6 Pro ke features, best nahin lag rahe hain. Saath hi same price range mein India mein kayi handsets launch kiye jaa chuke hain, jo Redmi Note 6 Pro ko achha competition de rahe hain.

Well, agar aap bhi Redmi Note 6 Pro ki price range mein kuch kharidne waale hain, to neeche diye gaye smartphones par bhi nazar daal sakte hain.

Realme 2 Pro

September mein launch huye is smartphone ko logon ne kaafi pasand kiya hai. Ismein bhi aapko Redmi Note 6 Pro ki hi tarah 4GB+64GB aur 6GB+64GB versions milte hain, jinki cost 13,990 INR aur 15,990 INR hai. Lekin ismein waterdrop notch ke saath 6.3 inch ki FHD+ display hai, aur chipset bhi Qualcomm ka Snapdragon 660 hai. Iske alawa yahaan aapko dual SIM slots milte hain.

Lekin is smartphone mein battery 3500mAh ki hai. Iske alawa aapko yahaan fingerprint sensor ke saath face unlock feature bhi milta hai. Is smartphone mein 16+2 MP ke dual rear cameras aur 16 MP ka selfie camera hai.

Iske alawa iska high-end version bhi market mein available hai, jismein aapko 8GB+128GB storage milti hai aur iski cost 17,990 INR hai.

Honor 9 Lite

Honor 9 Lite bhi Redmi Note 6 Pro ka tough competitor hai. Is smartphone mein bhi 13+2 MP ke dual front aur dual rear cameras moujood hain. Iski kimat 9,999 INR se start hoti hai, jo ki iske 3GB+32GB version ka price hai. Iske alawa 4GB+64GB variant ko aap 14,999 INR mein purchase kar sakte hain.

Honor 9 Lite mein 5.65 inch ki FHD+ display, Kirin 659 processor, 3000mAh ki battery, Android 8.1 Oreo OS aur rear mounted fingerprint scanner jaise features hain.

Xiaomi Mi A2

August mein launch hua, Xiaomi ka Android One smartphone, Mi A2 bhi is price range mein ek achha option hai. Ismein bhi 5.99 inch ki full HD+ display, Snapdragon 660 processor, Dual SIM slots, dual 4G VoLTE support aur Qualcomm Quick Charge 4+ support ke saath 3010mah ki battey di gayi hai.

Iske alawa Mi A2 mein 4GB+64GB aur 6GB+128GB storage options available hain. Ismein aapko 12+20 MP ke dual rear cameras aur front par bhi 20 MP ka selfie shooter mil jaata hai. Iske dono variants ka price 15,999 INR aur 18,999 INR hai.

Motorola One Power

Motrola One Power bhi ek achha smartphone hai, jiski kimat 15,999 INR hai. Ismein aapko 4GB RAM, 64GB internal memory notch display aur 5000mAh ki battery milti hai.

Is handset mein 6.2 inch ki FHD+ display fit ki gayi hai. Halaanki ismein bhi apko Snapdragon 636 chipset hi milta hai. Lekin yahaan 16+5 MP ke dual rear cameras hain. P2i water-repellent nano coating di gayi hai aur fast charging support ke saath battery capacity 5000mAh hai.

Nokia 6.1 Plus

Redmi Note 6 Pro ke rival smartphones ki list mein agla naam Nokia 6.1 Plus ka hai, jo is samay Flipkart par 14,999 INR mein available hai. Ismein aapko 5.8 inch ki FHD+ display, Snapdragon 636 chipset, 4GB RAM, 64GB storage aur hybrid dual SIM slot milte hain.

Iske alawa Nokia 6.1 Plus mein 16+5 MP ke dual rear sensors hain. Saath hi 16 MP ka selfie camera bhi aapko yahaan mil jaata hai. Dual 4G VoLTE support ke saath aapko is smartphone mein 3060mAh ki battery milti hai, jo Qualcomm Quick Charge 3.0 fast charging support ke saath aayegi.

Zenfone Max Pro M1

ASUS ka ye lower mid-range category mein aane waala phone bhi, Redmi Note 6 Pro ka ek behtar alternative hai. Iske 6GB RAM + 64GB ROM version ka price 14,999 INR hai, jismein aapko 16+5 MP dual rear cameras aur 16 MP front camera mil jaata hai. Saath hi battery capacity bhi 5000mAh hai, upar se fast charging support bhi diya gaya hai.

Zenfone Max Pro M1 mein 5.99-inch ki FHD+ display, Snapdragon 636 chipset, dual SIM support aur Android 8.1 Oreo OS jaise features hain.

Iske alawa iske 3GB+32GB aur 4GB+64GB versions bhi market mein available hain, jinki kimat 10,999 INR aur 12,999 INR hai.

Realme U1

Realme ka ye upcoming smartphone U1, jo ki MediaTek Helio P70 processor ke saath aata hai, expected hai ki isi price range mein launch hoga. Is smartphone ka AnTuTu score bhi Honor 8X aur Redmi 6 Pro se jyada hai. Saath hi ismein dewdrop notch ke saath full HD+ display, dual rear cameras aur rear mounted fingerprint scanner jaise features honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: