Top 5 Alternative Smartphones Of Samsung Galaxy A9 (2018)

Samsung ka Galaxy A7 (2018) aaj India mein launch kar diya gaya hai. World ke is first quad camera ke saath aane waale smartphone ki kimat bhi aap jaan hi chuke hain, jo ki 36,990 INR se start hoti hai.

Is smartphone mein 6.3 inch ki FHD+ display, Snapdragon 660 chipset, 24+10+8+5 MP ke four rear cameras, 24 MP front camera aur 3800mAh ki battery hai. Lekin phir bhi aap mein kayi logon ko ye smartphone overprice laga hai. Lekin kya aap jaante hain ki isi price range aur bhi kayi achhe smartphones India mein available hai, jinhein aap purchase kar sakte hain.

Samsung Galaxy A9 (2018) ke price range mein launch hone ye smartphones,iske strong competitors aur rival hain.Aap bhi, chahein to is price mein neeche diye gaye 5 smartphones mein se kisi ek ko chun sakte hain.

OnePlus 6

OnePlus 6 ka price 34,999 INR se start hota hai. Saath hi is Galaxy A9 (2018) ki price range mein ye aapko flagship chipset Octa Core Qualcomm Snapdragon 845 CPU ke saath milta hai. Iske alawa ismein 3300mAh ki battery zaroor hai, lekin Dash charging support ke saath ye kaafi fast charge hota hai aur battery life bhi achhi hai.

OnePlus 6 mein 6.28 inch ki FHD+ AMOLED display hai, 16+20 MP ke dual rear cameras hai, lekin inki camera performance kaafi achhi hai.

Iske 6GB+64GB version ko aap 34,999 INR mein aur 8GB+128GB variant ko aap 39,999 INR mein purchase kar sakte hain.

ASUS Zenfone 5Z

ASUS Zenfone 5Z ek flagship smartphone hai, jise 29,999 INR ke price par launch kiya gaya tha. Saath hi ab is smartphone mein aapko Android 9.0 Pie update bhi milne waala hai, jo ki January 2019 mein aayega, jabki Galaxy A9 (2018) ko aaj Android 8.0 Oreo OS ke saath launch kiya gaya hai.

Iske alawa Zenfone 5Z mein bhi aapko Qualcomm ka flagship chipset Snapdragon 845 hi milta hai. Ismein 6.2 inch ki FHD+ display, 12+8 MP ke dual rear cameras, 8 MP ka front camera aur 3300mAh ki battery hai. Yahaan aapko battery ke saath ASUS BoostMaster fast charging aur AI charging support bhi milta hai.

Zenfone 5Z ke 6GB+64GB version ko 29,999 INR aur 6GB+128GB version ko 32,999 INR aur 8GB+256GB option ko 36,999 INR mein launch kiya gaya tha, lekin Flipkart ki Mobile Bonanza sale mein 22nd Novemebr tak in sabhi variants ki kimaton par 5,000 INR ka discount hai.

Honor 10

Honor 10 bhi ek achha smartphone hai, jismein aapko Huawei ka Kirin 970 chipset, 5.84 inch ki full HD+ display, 16+24 MP ke dual rear cameras aur 24 MP ka front camera jaise features milte hain. Itna hi nahin, ismein dual 4G VoLTE support ke saath saath aapko ultrasonic fingerprint sensor bhi, display ke neeche hi diya gaya hai. Ismeina aapko 3400mAh ki battery, fast charging ke saath di gayi hai.

Honor 10 mein 6GB RAM aur 128GB storage bhi hai aur ise 32,999 INR ke price par launch kiya gaya tha. Lekin Flipkart par 22nd November tak aap ise kewal 24,999 INR mein kharid sakte hain.

To, hui naa ye ek behtar deal!

Vivo X21

First smartphone with in-display fingerprint scanner, yaani ki Vivo X21 bhi Samsung ke Galaxy A9 (2018) ka ek strong competitor hai.

Ismein 6.28 inch ki full HD+ Super AMOLED display, Octa Core Snapdragon 660 AIE processor, 6GB RAM, 128GB storage aur hybrid dual SIM slots diye gaye hain. Iske alawa yahan aapko 12+5 MP ke dual rear sensors, 12 MP ka front camera, aur fast charging support ke saath 3200mAh ki battery di gayi hai.

Is smartphone ko 35,990 INR ke price par launch kiya gaya tha lekin Flipkart ki abhi chal rahi sale mein aap ise bhi 31,990 INR mein kharid sakte hain.

LG G7 thinQ

LG G7 ThinQ bhi flagship smartphone hai, jiski launch price 39,990 INR hai. Filhaal ye smartphone aap Flipkart se kewal 29,999 INR ke price par kharid sakte hain. Ismein aapko 6.1 inch ki QHD+ display, dual 16 MP rear cameras, 3000mAh battery with fast charging & wireless charging jaise features milte hain.

Ismein bhi Snapdragon 845 chipset hi aapko milti hai. Saath hi 4GB ki RAM aur 64GB ki storage di gayi hai. Iske alawa yahaan aapko dust aur water resistance ke liye IP certification bhi mil jaati hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: